మ్యూజిక్ లెజెండ్ బప్పి లహరి మరణించడం యావత్ దేశ చలనచిత్ర రంగాన్ని శోఖసంద్రంలో ముంచింది. ఎంతో హిట్ సాంగ్స్ ఇచ్చిన ఆయన మరణించడం అందర్ని షాక్ కు గురిచేసింది. హిందీ, తెలుగు, కన్నడ, బెంగాళీ, తమిళ సినిమాలకు సాంగ్స్ అందించినా… ఎక్కువగా హిందీపైనే కాన్సన్ట్రేట్ చేశారు. తెలుగులో బప్పి లహరి మ్యూజిక్ అందించిన సింహాసనం, నిప్పురవ్వ, గ్యాంగ్ లీడర్ సినిమాల సాంగ్స్ ఎన్నో రికార్డులు క్రియేట్ చేశాయి. ముఖ్యంగా గ్యాంగ్ లీడర్ సినిమాలోని సాాంగ్స్ అప్పట్టో ట్రెండ్ సెట్టర్ గా నిలిచాయి.
80వ దశకంలో బప్పిలహరి మ్యూజిక్ ఓ సెన్సెషన్. ఆయన సంగీతం, గాత్రంతో పాటు ఆయన ఆహార్యంతో కూడా చాలా ఫేమస్ అయ్యారు. ఒంటి నిండా బంగారంతో ఉంటే ఆయన రూపంతో చాలా పాపులర్ అయ్యారు.
అయితే బప్పిలహరి ఒంటినిండా బంగారం ధరించడానికి ఓ హాలీవుడ్ నటుడు కారణం అంటూ.. ఓ ఇంటర్వ్యూలో ఈ విషయాన్ని వెల్లడించారు. ఎల్వీఎస్ ప్రెస్లీ అనే హాలీవుడ్ నటుడు ఎపుడు మెడలో ఓ గోల్డ్ చెయిన్ వేసుకునే వారు.. ఆయన ఆహార్యంతో ఇంప్రెస్ అయి.. అప్పటి నుంచి తను కూడా ఒంటి నిండా నగలు వేసుకోవడం మొదలు పెట్టినట్టు చెప్పారు బప్పిలహరి.
బంగారంతోనే లక్ కలిసి వచ్చిందన్న బప్పి లహరి:
ఒంటి నిండా బంగాారం వేసుకున్న తరువాతే తనకు లక్ కలిసి వచ్చిందన్నారు బప్పి లహరి. తనకు వరసగా విజయాలు అందాయన్నారు. అప్పటి నుంచి నగలు ధరించడం సెంటిమెంట్ గా మారిందని గతంలో బప్పి లహరి అన్నారు. గోల్డ్ ఈజ్ మై గాడ్.. అని పలు సందర్భాల్లో ప్రస్తావించారు కూడా. ఓ సారి ’జక్మీ’ పాటల రికార్డిండ్ సమయంలో దేవుడి పేరుతో ఉన్న లాకెట్ ఉన్న బంగారు గొలుసును మా అమ్మ నాకు బహుమతిగా ఇచ్చింది. అపుడు ఆ ఆల్బమ్ సూపర్ హిట్టైయిందన్నారు. ఆ తరువాత మా అమ్మ మరో చైన్ ఇవ్వడంతో వెంటనే పెళ్లి జరిగిందని అన్నారు. ఇలా బంగారం కొనడం నాకు జీవితంలో భామైందని అని ఆ ఇంటర్వ్యూలో గతంలో వెల్లడించారు. బప్పి లహరి గోల్డ్ మ్యాన్ ఆఫ్ ఇండియాగా పేరు తెచ్చుకున్నారు.