salaar: పాన్ ఇండియా స్టార్ హీరో ప్రభాస్ నటించినటువంటి తాజా చిత్రం సలార్ సినిమా డిసెంబర్ 22వ తేదీ ప్రేక్షకుల ముందుకు వచ్చిన సంగతి మనకు తెలిసిందే. ఈ సినిమా థియేటర్లలో పెద్ద ఎత్తున ప్రేక్షకులను సందడి చేస్తుంది. ఇలా ప్రభాస్ బాహుబలి సినిమా తర్వాత సలార్ సినిమా ద్వారానే మంచి సక్సెస్ అందుకున్నారని చెప్పాలి. ఈ వ్యవధిలో ఈయన నటించిన మూడు సినిమాలు ప్రేక్షకుల ముందుకు వచ్చిన పెద్దగా ప్రేక్షకులను ఆకట్టుకోలేకపోయాయి.

ఇక ఈ సినిమా అన్ని ప్రాంతాలలోనూ అద్భుతమైనటువంటి కలెక్షన్లను రాబడుతుంది. ఇక ప్రభాస్ ఖాతాలో మరో సెన్సేషనల్ బ్లాక్ బాస్టర్ హిట్ చేరిందని అభిమానులు సంతోషం వ్యక్తం చేస్తున్నారు. ఈ సినిమాకు ప్రశాంత్ నీల్ దర్శకత్వం వహించగా, ప్రభాస్ కి జోడిగా శృతిహాసన్ నటించారు. అయితే ఈ సినిమాకు మొదటి ఆప్షన్ శృతిహాసన్ కాదని తెలుస్తుంది.

ఈ సినిమాలో నటించడానికి ముందుగా డైరెక్టర్ ప్రశాంత్ బాలీవుడ్ నటి అలియా భట్ ను ఎంపిక చేశారట. ఇదే విషయాన్ని ఆమె దగ్గరకు వెళ్లి ప్రస్తావించగా ఈమె మాత్రం కరాకండిగా నేను నటించను అని చెప్పేశారు. ఇలా ఈ సినిమాలో నటించడానికి అలియా భట్ ఒప్పుకోకపోవడంతోనే సెకండ్ ఆప్షన్ గా శృతిహాసన్ ని ఎంపిక చేశారని అలా ఈ సినిమాలో శృతిహాసన్ ఎంపిక అయ్యారని తెలుస్తోంది.

ప్రభాస్ సినిమాలపై నమ్మకం లేకే..

ఇక ఈ సినిమాలో నటించడానికి అలియా ఎందుకు ఒప్పుకోలేదు అనే విషయానికి వస్తే ఈ సినిమాలో ఈమె కనుక నటిస్తే బాలీవుడ్ ఇండస్ట్రీలో కూడా మార్కెట్ పరంగా తమకు కలిసి వస్తుంది అన్న ఆలోచనతోనే దర్శక నిర్మాతలు ఈమెను సంప్రదించారని తెలుస్తోంది. అయితే అప్పటికే ప్రభాస్ నటించిన వరుసగా సినిమాలన్నీ కూడా డిజాస్టర్ కావడంతో ఆయన సినిమా పై నమ్మకం లేక ఈమె ఈ సినిమాని రిజెక్ట్ చేశారని తెలుస్తుంది. కానీ ఈ సినిమా బ్లాక్ బస్టర్ కావడంతో అలియా అన్ లక్కీ హీరోయిన్ అంటూ అభిమానులు కామెంట్లు చేస్తున్నారు.