Sp Balu : తెలుగు చిత్ర పరిశ్రమలో ప్రముఖ గాయకుడు ఎస్పీ బాల సుబ్రమణ్యం గురించి ప్రత్యేకంగా చెప్పాల్సిన అవసరం లేదు. ఆయన గొంతుతో కోట్లాది మంది ప్రేక్షకుల అభిమానాన్ని సొంతం చేసుకున్నాడు. ఆయన మరణ వార్త సినిమా పరిశ్రమ మొత్తం తీవ్ర విషాదంలో మునిగిపోయింది. చిత్ర పరిశ్రమలో దాదాపు 16 భాషల్లో..నలభై వేళకు పైగా పాటలు పాడిన ఏకైక గాయకుడు ఎస్పీ బాలు.
1946 జూన్ 4న నెల్లూరులోని కోనేటమ్మపేటలో జన్మించారు. ఆయన అసలు పేరు శ్రీపతి పండితారాధ్యుల బాలసుబ్రమణ్యం. చిన్నతనం నుంచే పాటలు పాడటం హాబీగా మార్చుకున్న బాలుకి.. తొలిసారిగా 1966లో విడుదలైన శ్రీశ్రీశ్రీ మర్యాద రామన్న సినిమాలో పాడే అవకాశం వచ్చింది. ఎంతమంది హీరోలకైనా తన అద్భుతమైన స్వరంతో వారికి అనుగుణంగా పాటలు పాడగల గొప్పగాయకుడు ఎస్పీ. తెలుగు సినిమా గీతాలకు దొరికిన ఒకానొక ఆణిముత్యం బాలసుబ్రహ్మణ్యం. సినిమా పాటలే కాకుండా పలు టీవీ షోల్లో పాటలు పాడి ఆకట్టుకున్న ఎస్పీ.. ఎన్నో అవార్డులను సొంతం చేసుకున్నారు. పద్మభూషణ్ లాంటి అరుదైన సత్కారాలను అందుకున్న గొప్ప సింగర్ బాలసుబ్రహ్మణ్యం.
అయితే కర్ణాటక, హిందీ, తమిళ, మలయాళంలో ఇలా ఎన్ని భాషల్లో పాడినా.. కాని ఒక తెలుగు బిడ్డగా ఘంటసాల గారి తరువాత అలాంటి గాయకుడ్ని చూస్తామా అనుకున్న సందర్భంలో నేనున్నా అని ముందుకు వచ్చిన గాయకుడు ఎస్పీ బాలు ఇక లేరు అనే వార్తను ఇప్పటికీ ఎవ్వరూ జీర్ణించుకోలేక పోతున్నారు..ఇక బాలు గారి కుటుంబ సభ్యులు ఇంకా ఆ బాధ నుంచి తేరుకోలేక పోతున్నట్లు సమాచారం.
ఇక ముఖ్యంగా బాల సుబ్రహ్మణ్యం భార్య సావిత్రి ఈఇప్పుడు చర్చనీయాంశంగా మారింది. తన భర్త దూరమైన తర్వాత చాలా రోజులు ఇంట్లో నుంచి అస్సలు బయటికి రాలేకపోయిందట..ఇక తాజాగా అందుతున్న సమాచారం ప్రకారం..బాలు గారి మరణాంతరం కొద్ది రోజుల తర్వాత అడయార్ లోని తన కూతురు పల్లవి ఇంట్లో ఉన్న తన తల్లిని ఎస్పీ చరణ్.. ఇప్పుడిప్పుడే బయటికి తీసుకెళ్తున్నట్లు,ఆమె ఆరోగ్య పరిస్థితి కూడా ఇప్పుడు కాస్త నిలకడగానే ఉన్నట్లు బాలు గారి సన్నిహిత వర్గాలు తెలుపుతున్నాయి.