Harish Shankar: పవన్ కళ్యాణ్ గబ్బర్ సింగ్ సినిమాతో డైరెక్టర్ గా ఎంతో మంచి గుర్తింపు సంపాదించుకున్న హరీష్ శంకర్ అనంతరం పలువురు హీరోల సినిమాలకు దర్శకత్వం వహించారు. ఈ క్రమంలోనే మెగా మేనల్లుడు సాయిధరమ్ తేజ్ రెజీనా కసాండ్రా హీరో హీరోయిన్లుగా హరీష్ శంకర్ దర్శకత్వంలో తెరకెక్కిన చిత్రం సుబ్రహ్మణ్యం ఫర్ సేల్. ఈ సినిమా విడుదల అయి ఏడు సంవత్సరాలు కావడంతో డైరెక్టర్ హరీష్ శంకర్ ఈ సినిమాని గుర్తు చేసుకున్నారు.

ఈ సందర్భంగా ఈయన ట్విట్టర్ వేదికగా ఈ సినిమాలో నటించిన కొందరు నటీనటుల పేర్లను ప్రస్తావిస్తూ కొన్ని ఫోటోలు షేర్ చేస్తూ అప్పటి విషయాలను సోషల్ మీడియా వేదికగా గుర్తు చేసుకున్నారు.అయితే అందరి పేర్లు ప్రస్తావించిన డైరెక్టర్ హీరోయిన్ పేరు ప్రస్తావించడం మర్చిపోయారు ఈ క్రమంలోనే రెజీనా ఈట్వీట్ పై స్పందిస్తూ… బహుశా మమ్మల్ని డైరెక్టర్ మర్చిపోయినట్టున్నారు అంటూనే థాంక్స్ చెప్పారు.

సీతతో అంత ఈజీ కాదు అనే పాత్రను డిజైన్ చేసినందుకు కృతజ్ఞతలని తెలిపారు. ఈ క్రమంలోనే రెజీనా చేసిన ట్వీట్ పై హరీష్ శంకర్ స్పందిస్తూ సో సారీ డియర్ నీతో అంత వీజీ కాదని ప్రూవ్ చేసావ్. సీత పాత్రలో బాగా చేసినందుకు థాంక్స్ అని చెప్పడమే కాకుండా మీతో పని చేయడం చాలా బాగుంది ఎప్పటికీ గుర్తుండిపోతుంది అంటూ ఈ సందర్భంగా హరీష్ శంకర్ రిప్లై ఇచ్చారు.

Harish Shankar: స్పెషల్ థాంక్స్ చెప్పిన సాయి ధరమ్

ఇలా ఈ సినిమా ఏడు సంవత్సరాలు పూర్తి చేసుకోవడంతో హరీష్ శంకర్ చేసిన ట్వీట్ పై మెగా హీరోస్ సాయి ధరంతేజ్ కూడా స్పందిస్తూ థాంక్స్ చెప్పారు.ఇక హరీష్ శంకర్ చాలా కాలం నుంచి ఎలాంటి సినిమాల ద్వారా ప్రేక్షకుల ముందుకు రాలేదు అయితే ఈయన పవన్ కళ్యాణ్ హీరోగా భవదీయుడు భగత్ సింగ్ సినిమా ప్రకటించినప్పటికీ ఈ సినిమా ఏ మాత్రం పట్టాలెక్కలేదు.అయితే ప్రస్తుతం పవన్ కళ్యాణ్ హరిహర వీరమల్లు సినిమా షూటింగ్ తో బిజీగా ఉండటమే కాకుండా మరోవైపు రాజకీయాలలో బిజీగా ఉండటం వల్ల ఈ సినిమా గురించి పూర్తిగా పక్కన పెట్టినట్టు తెలుస్తుంది.