Jr NTR: యంగ్ టైగర్ ఎన్టీఆర్ నందమూరి వారసుడిగా సినీ ఇండస్ట్రీలో టాప్ హీరోగా కొనసాగుతూ ఎంతో మంచి గుర్తింపును సంపాదించుకున్నారు.కేవలం టాలీవుడ్ ఇండస్ట్రీలో మాత్రమే కాకుండా పాన్ ఇండియా స్థాయిలో కూడా ఈయన మంచి క్రేజ్ సంపాదించుకున్నారు. వృత్తిపరమైన జీవితంలో ఎన్టీఆర్ ఎంతో విజయం సాధించి ముందుకు వెళ్తున్నారు.
ఇక ఎన్టీఆర్ వ్యక్తిగత జీవితానికి వస్తే ఎన్టీఆర్ లక్ష్మీప్రణతిని పెళ్లి చేసుకున్న సంగతి మనకు తెలిసిందే. వీరిద్దరికీ అభయ్, భార్గవ్ ఇద్దరు పిల్లలు కలరు. ఇక ఎన్టీఆర్ కుటుంబంలో అన్ని సౌకర్యాలు, జీవితంలో ఎలాంటి లోటు లేకుండా ఎంతో సంతోషంగా సాగిపోతుంది. ఎన్టీఆర్ కూడా నిత్యం తన కొడుకులతో గడుపుతున్న క్షణాలను సోషల్ మీడియా వేదికగా పంచుకుంటారు.
ఈ విధంగా ఎన్టీఆర్ తన వృత్తిపరమైన జీవితమే కాకుండా వ్యక్తిగత జీవితం కూడా ఎంతో ఆనందంగా ఉంది.ఇలా జీవితంలో అన్నీ ఉన్నప్పటికీ ఎన్టీఆర్ కు ఒక విషయంలో మాత్రం తీరని కోరిక అలాగే ఉందని ఆ విషయంలో ఎన్టీఆర్ ఇప్పటికీ అసంతృప్తి పడుతుంటారని తెలుస్తోంది. మరి ఎన్టీఆర్ జీవితంలో తీరని ఆ కోరిక ఏమిటి అనే విషయానికి వస్తే…
నందమూరి వంశానికి ఆడపడుచు…
ఎన్టీఆర్ భార్య లక్ష్మి ప్రణతి రెండవ సారి గర్భం దాల్చినప్పుడు ఎన్టీఆర్ తప్పకుండా తనకు కూతురే పుడుతుందని ఎన్నో ఆశలు పెట్టుకున్నారట. ఈ విధంగా ఎన్టీఆర్ మాత్రమే కాకుండా తన కుటుంబం కూడా అమ్మాయి కోసం చాలా ఎదురు చూశారు. అయితే రెండవ సారి కూడా ఎన్టీఆర్ కి కొడుకు పుట్టడంతో ఎన్టీఆర్ కు కూతురు కావాలనే కోరిక అలాగే మిగిలిపోయింది. ఇలా రెండోసారి కూతురు పుడితే నందమూరి వంశానికి ఒక ఆడపడుచు ఉంటుందని ఆశ పడ్డారట. అయితే ఆ ఆశ, కోరిక అలాగే మిగిలిపోయాయి.