Kamal Haasan: టాలీవుడ్ ఇండస్ట్రీలో నటుడిగా ఎన్నో సినిమాలలో నటించి మంచి గుర్తింపు సంపాదించుకున్న నటుడు సుధాకర్ గురించి ప్రత్యేకంగా చెప్పాల్సిన పనిలేదు. ఆయన ఎలాంటి సినీ నేపథ్యం లేకుండా ఒక సాధారణ కుటుంబం నుంచి ఇండస్ట్రీలోకి వచ్చి అంచెలంచెలుగా ఎదిగారు. ఈ విధంగా ఎన్నో సినిమాలలో నటించి మంచి గుర్తింపు పొందిన సుధాకర్ తాజాగా ఒక యూట్యూబ్ ఛానల్ ఇంటర్వ్యూలో పాల్గొని తన కెరీర్ గురించి ఎన్నో ఆసక్తికరమైన విషయాలను వెల్లడించారు.

తన వ్యక్తిగత విషయాల గురించి సుధాకర్ మాట్లాడుతూ తనకు అవకాశాలు లేని సమయంలో కూడా తన భార్య శైలజ తనను ఎంతో అర్థం చేసుకున్నారని ఈ సందర్భంగా తెలియజేశారు. ఇక సుధాకర్ కు డైరెక్టర్ విశ్వనాథ్ గురించి పలు ప్రశ్నలు ఎదురయ్యాయి. ఈ సందర్భంగా డైరెక్టర్ విశ్వనాధ్ దర్శకత్వం గురించి ఎన్నో విషయాలను వెల్లడించారు.

ఈ సందర్భంగా సుధాకర్ మాట్లాడుతూ.. విశ్వనాథ్ గారి దర్శకత్వం అంటే హీరో ఎక్కడా కూడా ఒక చోట నిలకడగా ఉండి డైలాగ్ చెప్పలేరని, ఆయన దర్శకత్వం అంటే అలాగే ఉంటుందని తెలియజేశారు. మనం ఏదైనా డైలాగు చెప్పే సమయంలో కూడా ఏదైనా పుస్తకం తీసుకొని మాట్లాడటం లేదా పనిచేస్తూ డైలాగ్ చెప్పేలా అతను అప్పటికప్పుడు ఆ సన్నివేశాన్ని చిత్రీకరిస్తారని సుధాకర్ వెల్లడించారు.

అందుకే ఆయన కళాతపస్వి..

ఈ సందర్భంగా సాగర సంగమంలోని ఒక సన్నివేశం గురించి సుధాకర్ మాట్లాడారు. సినిమాలోఒక నేషనల్ డాన్స్ కాంపిటీషన్ కి సంబంధించిన ఇన్విటేషన్ జయప్రద కమల్ హాసన్ కి ఇస్తారు. ఇన్విటేషన్ చూసిన కమల్ హాసన్ చివరిలో తనపేరు ఉండటం చూసి ఒక్క సారిగా ఎమోషనల్ అవుతారు. ఇలా ఎమోషనల్ అవుతున్న సమయంలో వెంటనే డైరెక్టర్ కమల్ హాసన్ జయప్రద చేతిని తీసుకొని ముద్దు పెట్టుకొని చెప్పారు. అతను అలా చెప్పడంతో కమల్ హాసన్ వెంటనే జయప్రద చేతిని తీసుకొని ముద్దు పెట్టారు. ఆ సీన్ కి ఆ ముద్దు పెట్టే సన్నివేశం హైలెట్ అయిందని ఈ సందర్భంగా సుధాకర్ వెల్లడించారు. విశ్వనాథ్ గారి సినిమాలు అంటే ఇలాగే ఉంటాయి అందుకే ఆయన కళాతపస్వి అయ్యారు అంటూ ఈ సందర్భంగా విశ్వనాధ్ గురించి వెల్లడించారు.