ఎట్టకేలకు మా ఎన్నికలు విజయవంతంగా ముగిశాయి. మా ఎన్నికల ప్రస్తావన వచ్చిన దగ్గర నుంచి ఆ రాజకీయం అంతా మా బిల్డింగ్ చుట్టే తిరిగింది. ఎవరు చూసినా వాటి గురించే ప్రస్తావించేవారు. ఎందుకు బిల్డింగ్ అమ్మారు.. అందులో అవకతవకలు జరిగినట్లు ఆరోపణలు కూడా వినిపించాయి.

ప్రకాష్ రాజ్ కు అర్హత లేదని.. నాన్ లోకల్ అంటూ కూడా కొంతమంది ఆరోపించారు. ఎటు తిరిగీ.. చివరకు ఎన్నికల వరకు వచ్చారు. అధ్యక్షుడి బరిలో మంచు విష్ణు, ప్రకాష్ రాజ్ నిలవగా చివరకు ఆ అధికారం మంచు విష్ణు దక్కించుకున్నారు. అయితే ఇతంతా జరిగిన తర్వాత కూడా మా ఎన్నికలపై కొంతమంది ప్రస్తావిస్తూనే ఉన్నారు. ఇలా మా ఎన్నికలు జరిగిన తీరుపై రోజుకొకరు స్పందిస్తున్నారు.

తాజాగా పెళ్లిసందD ప్రీ రిలీజ్‌ వేడుకలో చిరంజీవి మాట్లాడారు.. అక్కడ రాఘవేంద్ర రావు కూడా పాల్గొన్నారు. ఈ ప్రమోషన్లో భాగంగా విశాఖపట్నం వెళ్లారు రాఘవేంద్ర రావు. అక్కడ ఆయన మాట్లాడుతూ.. మా ఎన్నికలు జరిగిన తీరు బాగాలేదని.. చాలా అలజడి స్పష్టించిందని.. అందరు కలిసి ఒకరిని ఏకగ్రీవంగా ఎన్నుకుంటే బాగుండేదని అభిప్రాయపడ్డాడు.

అది సినీ పరిశ్రమకు కూడా మంచిది అంటూ చెప్పుకొచ్చాడు. ఇక అధ్యక్షుడిగా ఎన్నికైన మంచు విష్ణుకు శుభాకాంక్షలు తెలుపుతూ.. మంచు విష్ణు అధ్యక్షుడిగా రాణిస్తాడనే నమ్మకం ఉందని రాఘవేంద్రరావు చెప్పారు. ఇక పెళ్లిసందD సినిమాలో విడుదలైన పాటలు ప్రేక్షకులను ఎంతగానో ఆకట్టుకున్నాయి. ఈ సినిమా దసరా సందర్భంగా అక్టోబర్ 15 న విడుదల కానుంది.