Mahesh Babu: టాలీవుడ్ సూపర్ స్టార్ మహేష్ బాబు కృష్ణ వారసుడిగా ఇండస్ట్రీలోకి అడుగుపెట్టారు.బాల నటుడిగా ఇండస్ట్రీలో కొనసాగిన మహేష్ బాబు అనంతరం హీరోగా ఎన్నో అద్భుతమైన సినిమాలలో నటిస్తూ టాలీవుడ్ స్టార్ హీరోలలో ఒకరిగా కొనసాగుతున్నారు.ఇకపోతే మహేష్ బాబు తండ్రి సూపర్ స్టార్ కృష్ణ నేడు తుది శ్వాస విడిచిన విషయం తెలిసిందే.
మహేష్ బాబుకి ఎదురు దెబ్బలు తగులుతూనే ఉన్నాయి. ఒక ఏడాదిలోనే తన ఫ్యామిలీ మొత్తం ముగ్గురు మరణించడంతో మహేష్ బాబుకి దెబ్బ పై దెబ్బ పడుతుంది. జనవరిలో మహేష్ బాబు సోదరుడు రమేష్ బాబు మరణించిన విషయం తెలిసిందే. అనారోగ్య సమస్యలతో రమేష్ బాబు మరణించడం ఘట్టమనేని కుటుంబానికి తీరనిలోటు.
ఈ విధంగా మహేష్ బాబు అన్నయ్య రమేష్ బాబు మరణించిన సంఘటన నుంచి కోలుకోక ముందే తన తల్లి ఇందిరా దేవి మరణించడం బాధాకరం.ఇందిరా దేవి మరణించిన సమయంలో మహేష్ బాబు ఎంతో దిగ్భ్రాంతి వ్యక్తం చేశారు. ఇప్పుడిప్పుడే తన తల్లి మరణ వార్త నుంచి బయటపడుతూ సినిమాలలో బిజీ కానున్న మహేష్ బాబుకి మరో దెబ్బ ఎదురయింది.
Mahesh Babu: మహేష్ బాబుకి బ్యాడ్ టైం నడుస్తుందా…
మహేష్ బాబు తండ్రి నటుడు సూపర్ స్టార్ కృష్ణ నేడు తుది శ్వాస విడచడం అందరిని శోకసంద్రంలోకి ముంచింది. ఇలా తల్లి మరణ వార్త నుంచి కోలుకోక ముందే తిరిగి తండ్రి మరణించడంతో మహేష్ బాబు శోకసంద్రంలో మునిగిపోయారు.ఈ విషయం తెలిసిన ఎంతోమంది అభిమానులు మహేష్ అన్నకే ఎందుకు ఇలా జరుగుతుంది ఇలా దెబ్బ పై దెబ్బ పడటం నిజంగా బాధాకరం అంటూ అభిమానుల సైతం ఆందోళన వ్యక్తం చేస్తున్నారు.