Mega Star Chiranjeevi: మెగాస్టార్ చిరంజీవి రీ ఎంట్రీ తర్వాత వరుస సినిమాలతో ఎంతో బిజీగా ఉన్నారు. ఈ క్రమంలోనే వరుస సినిమా షూటింగులతో బిజీగా గడుపుతున్న చిరు తన 154 వ చిత్రాన్ని బాబి దర్శకత్వంలో చేస్తున్నారు. ఈ క్రమంలోనే గతవారం ఈ సినిమాలో పలు యాక్షన్ సన్నివేశాలను చిత్రీకరించారు.

ఈ యాక్షన్ సన్నివేశాలలో భాగంగా మెగాస్టార్ చిరంజీవి గుర్రంపై సవారి చేయాల్సి వచ్చింది.అయితే జూనియర్ ఆర్టిస్ట్ తప్పిదం వల్ల చిరంజీవి ఏనుగు పై నుంచి దిగే సమయంలో కాలు జారి కింద పడ్డారు. దీంతో ఆయన కాలు బెణికి కాస్త నొప్పి చేసినట్లు సమాచారం.

ఇలా షూటింగ్లో ఏదైనా ప్రమాదం జరిగితే సాధారణంగా హీరోలు షూటింగ్ నుంచి వెళ్లిపోయి కాస్త విరామం తీసుకుంటారు.కానీ చిరంజీవి మాత్రం తన కాలు బెనకి తీవ్రమైన నొప్పి కలిగించినా షూటింగ్ నుంచి విరామం తీసుకోకుండా తన కారణంగా ఆ రోజు షెడ్యూల్ డిస్టర్బ్ కాకూడదని నొప్పిని భరిస్తూ చిరంజీవి షూటింగ్ లో పాల్గొన్నట్లు తెలుస్తోంది.

నిర్మాతలకు నష్టం రాకూడదు…

ఈ విధంగా చిరంజీవి ఈ వయసులో కూడా డూప్ లేకుండా ఇలాంటి సన్నివేశాల్లో నటిస్తూ గాయపడిన, ఏ మాత్రం విశ్రాంతి తీసుకోకుండా తన కారణంగా నిర్మాతలకు నష్టం రాకూడదని భావించి నొప్పిని భరిస్తూ షూటింగ్ పూర్తి చేశారని తెలియడంతో ఎంతో మంది నెటిజన్లు అందుకేగా ఆయనని మెగాస్టార్ అని పిలిచేది అంటూ కామెంట్ చేస్తున్నారు. ఇక ఇక చిరంజీవి ఈ సినిమాలో మాత్రమే కాకుండా గాడ్ ఫాదర్, భోళా శంకర్ సినిమాలో కూడా నటిస్తున్న సంగతి తెలిసిందే.