NTR -Mokshagna:నందమూరి ఇంట పెళ్లి సందడి జరిగింది. ఈ క్రమంలోనే నందమూరి కుటుంబ సభ్యులందరూ కూడా ఈ పెళ్లి వేడుకలో.ఒకే చోట సందడి చేయడంతో నందమూరి అభిమానులు ఎంతో సంతోషం వ్యక్తం చేస్తున్నారు. నందమూరి దివంగత నటుడు హరికృష్ణ కుమార్తె సుహాసిని గురించి అందరికీ సుపరిచితమే. అయితే సుహాసిని కుమారుడి వివాహం ఆదివారం గచ్చిబౌలిలో ఎంతో అంగరంగ వైభవంగా జరిగింది.

హరికృష్ణ మనవడు అంటే స్వయాన కళ్యాణ్ రామ్, ఎన్టీఆర్లకు మేనల్లుడు కావడం విశేషం. ఈ విధంగా తన మేనల్లుడి పెళ్లి వేడుకలలో భాగంగా ఎన్టీఆర్ కళ్యాణ్ రామ్ పాల్గొని పెద్ద ఎత్తున సందడి చేశారు. ఈ పెళ్లిలో అంతా తామై వ్యవహరించడంతో నందమూరి అభిమానుల సంతోషం వ్యక్తం చేస్తున్నారు. ఇక ఈ పెళ్లి వేడుకలలో భాగంగా బాలకృష్ణ కుటుంబ సభ్యులు కూడా హాజరయ్యారు.

ఈ క్రమంలోనే నందమూరి మోక్షజ్ఞ ఈ పెళ్లి వేడుకలలో సెంటర్ అట్రాక్షన్ గా నిలిచారు. అయితే ఇప్పటివరకు ఈయన ఎక్కడ కూడా అన్నయ్యలు అయినటువంటి ఎన్టీఆర్ కళ్యాణ్ రామ్ తో కలిసిన సందర్భాలు లేవు కానీ ఈ పెళ్లి వేడుకలలో మోక్షజ్ఞ స్వయంగా ఎన్టీఆర్ కళ్యాణ్ రామ్ తో కలిసి మాట్లాడుతూ ఉన్నటువంటి ఫోటోలు అలాగే వీరితో కలిసి దిగిన ఫోటోలు సోషల్ మీడియాలో వైరల్ అవుతున్నాయి.

NTR -Mokshagna: ఒకే ప్రేమ్ లో తారక్ మోక్షజ్ఞ…

ఈ విధంగా కళ్యాణ్ రామ్ ఎన్టీఆర్ మోక్షజ్ఞ ముగ్గురు కూడా ఒకే ప్రేమ్ లోకనిపించడంతో వీరి అభిమానుల ఆనందానికి అవధులు లేకుండా పోతున్నాయి.గత కొంతకాలంగా బాలకృష్ణ ఎన్టీఆర్ మద్య మనస్పర్ధలు ఉన్నాయి అంటూ వార్తలు వచ్చాయి. కానీ ఇలా మోక్షజ్ఞ ఎన్టీఆర్ తో కలిసి ఫోటోలు దిగడంతో ఎన్టీఆర్ అభిమానులు బాలకృష్ణ అభిమానులు సంతోషం వ్యక్తం చేస్తున్నారు. ఏది ఏమైనా మోక్షజ్ఞ ఇండస్ట్రీలోకి రానున్న నేపథ్యంలో ఇలా తన అన్నయ్యలతో కలిసి కనిపించడంతో ఈ ఫోటోలు కాస్త వైరల్ అవుతున్నాయి.