Pavitra Lokesh: సినీ నటి పవిత్ర లోకేష్ నటుడు నరేష్ తో రిలేషన్ లో ఉన్న విషయం మనకు తెలిసిందే. నరేష్ ఇదివరకే మూడు పెళ్లిళ్లు చేసుకుని తన ఇద్దరు భార్యలకు విడాకులు ఇచ్చారు. మూడో భార్యకు ఇంకా విడాకులు ఇవ్వకుండానే తనకు దూరంగా ఉంటూ ఈయన నటి పవిత్ర లోకేష్ తో రిలేషన్ లో ఉంటున్నారు. గత కొన్ని సంవత్సరాలుగా వీరిద్దరూ సహజీవనం చేస్తున్నారు.
ఇలా వీరిద్దరు సహజీవనం చేయడమే కాకుండా త్వరలోనే పెళ్లి కూడా చేసుకోబోతున్నారంటూ పెద్ద ఎత్తున వార్తలు వచ్చాయి. అయితే ఈ వివాదంపై నరేష్ మూడో భార్య రమ్య రఘుపతి స్పందించి ఎలాంటి వివాదాస్పద వ్యాఖ్యలు వచ్చేసిందో మనకు తెలిసిందే. అయితే ఈ విషయాలన్నీ పక్కన పెడితే తిరిగి నరేష్ పవిత్ర లోకేష్ ఇద్దరు కూడా మళ్లీ పెళ్లి అనే సినిమా ద్వారా ప్రేక్షకుల ముందుకు రావడానికి సిద్ధమయ్యారు.
ఈ సినిమా మే 26వ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఒక ఇంటర్వ్యూలో పాల్గొన్న పవిత్ర లోకేష్ నరేష్ గురించి సంచలన వ్యాఖ్యలు చేశారు.నరేష్ తనకు కేవలం లైఫ్ పార్టనర్ మాత్రమే కాదని ఒక సపోర్ట్ సిస్టం అని కూడా పవిత్ర లోకేష్ వెల్లడించారు.
Pavitra Lokesh: ఎంతో అండగా నిలిచారు…
చాలాకాలం క్రితం ఓ సినిమా కార్యక్రమంలో భాగంగా మా ఇద్దరికీ పరిచయం ఏర్పడిందని పవిత్ర లోకేష్ ఈ సందర్భంగా తెలియజేశారు. ఎలాంటి పరిస్థితులు వచ్చినా ఆయన ఎప్పుడూ తనకు అండగానే నిలబడుతూ వచ్చారని చెప్పుకొచ్చారు. ఇక తమ రిలేషన్ గురించి జరుగుతున్న ట్రోలింగ్ తనను చాలా బాధకు గురి చేస్తుందని, ఈ సందర్భంగా పవిత్ర లోకేష్ పేర్కొన్నారు. ప్రస్తుతం ఈమె చేసిన ఈ కామెంట్స్ వైరల్ అవుతున్నాయి.