Poonam Kaur: పూనమ్ కౌర్ ఈ పేరుకు ప్రత్యేకంగా పరిచయం అక్కర్లేదు. నిత్యం సోషల్ మీడియాలో వినిపించే పేర్లలో పూనమ్ కౌర్ పేరు కూడా ఉంటుంది. ఏదో ఒక విషయం పట్ల పూనమ్ కౌర్ తరచుగా వార్తల్లో నిలుస్తూ ఉంటుంది. ఎక్కువగా కాంట్రవర్సీలు వివాదాస్పద లతో వార్తల్లో నిలుస్తూ ఉంటుంది. అంతేకాకుండా రాజకీయంగా సినిమాపరంగా ఎవరినో ఒకరిని టార్గెట్ చేస్తూ వారి పై వివాదాస్పద వ్యాఖ్యలు చేస్తూ ఉంటుంది. ఈమె నిత్యం సోషల్ మీడియాలో యాక్టివ్ గా ఉంటుంది. ఈమె చేసే కొన్ని వాక్యలు కొన్ని కొన్ని సార్లు కాంట్రవర్సీ లకు దారి తీస్తూ ఉంటాయి.
అయితే సినీ ప్రేక్షకులకు నటిగా కూడా ఈమె సుపరిచితమే. తెలుగులో కూడా పలు సినిమాల్లో నటించి నటిగా మంచి గుర్తింపు తెచ్చుకుంది. అయితే చాలా మందికి సినిమాల ద్వారా కంటే కాంట్రవర్సీలు ద్వారానే ఈమె బాగా సుపరిచితం. చాలామంది ఈమెను కాంట్రవర్సి క్వీన్ అని కూడా పిలుస్తూ ఉంటారు. అదేవిధంగా పూనమ్ కౌర్ సమాజంలో జరిగే పలు విషయాల పట్ల కూడా స్పందిస్తూ ఉంటుంది. ఈ క్రమంలోనే ఈమె కొన్ని కొన్ని సార్లు ట్రోలింగ్స్ కు సైతం గురి అవుతూ ఉంటుంది.
తనపై వస్తున్న కామెంట్లను ఆమె చూసీచూడనట్టుగా వదిలి వేస్తూ ఉంటుంది. కానీ కొన్ని కొన్ని సార్లు ఆమెపై మితిమీరి, అసభ్య పదజాలంతో కామెంట్ చేస్తే మాత్రం అటువంటి వారిని విడిచిపెట్టకుండా తనదైన శైలిలో ఘాటుగా సమాధానం ఇస్తూ ఉంటుంది. ఎక్కువగా ఈమె తన ట్వీట్లతో సోషల్ మీడియాలో షేక్ చేస్తూ ఉంటుంది. ఇదిలా ఉంటే తాజాగా పూనమ్ కౌర్ నాతిచరామి సినిమాలో నటించింది. ఈ సినిమా త్వరలోనే విడుదల కానుంది. ఇక విడుదల తేది దగ్గర పడుతుండటంతో చిత్ర బృందం ప్రమోషన్స్ ను వేగవంతం చేసింది.
ఏం మాట్లాడినా తప్పు…
ఈ నేపథ్యంలోనే పూనం కౌర్ వరుసగా ఇంటర్వ్యూలకు హాజరు అవుతోంది. తాజాగా ఒక ఇంటర్వ్యూలో పాల్గొన్న ఆమె పవన్ కళ్యాణ్ గురించి ఆసక్తికర వ్యాఖ్యలు చేస్తూ సిగ్గు పడింది.సదరు యాంకర్ పవన్ కళ్యాణ్ గురించి పలు విషయాలు చెప్పండి అనగా.. పవన్ కళ్యాణ్ గురించి ఏమి మాట్లాడినా తప్పే, ఏది మాట్లాడినా కూడా తప్పుగా అర్థం చేసుకుంటారు. అతని గురించి పాజిటివ్ గా మాట్లాడినా కూడా నెగిటివ్గా వార్తలను సృష్టిస్తూ తప్పుగా అర్థం చేసుకుంటారు అని తెలిపింది. అనంతరం ఆమె పవన్ గురించి మాట్లాడుతూ అయ్యో.. నాకు సిగ్గు వచ్చేస్తుంది దేవుడా! అంటూ పవన్ కళ్యాణ్ తలచుకుని సిగ్గు పడింది. అయితే కొందరు తన కెరీర్ ను నాశనం చేయడానికి ప్రయత్నించారని ఆ సమయంలో మానసికంగా ఎంతో నష్టాన్ని చవిచూశాయి అని తెలిపింది. ఇక పవన్ కళ్యాణ్ తో మీరు నటించారు కదా అని అడగగా..లేదు.. చాలామంది చేయనివ్వకుండా కొన్ని ప్రయత్నాలు చేశారు అని చెప్పుకొచ్చింది. పూనమ్ కౌర్ చేసిన వ్యాఖ్యలు ప్రస్తుతం నెట్టింట్లో చెక్కర్లు కొడుతున్నాయి.
