Ram Pothineni:టాలీవుడ్ ఇండస్ట్రీలో వెడ్డింగ్ బెల్స్ మోగుతున్న విషయం మనకు తెలిసిందే. ఇప్పటికే పలువురు హీరోలు పెళ్లి చేసుకుంటూ కొత్త జీవితంలోకి అడుగు పెడుతున్నారు. తాజాగా శర్వానంద్ పెళ్లి చేసుకోగా వరుణ్ తేజ్ పెళ్లికి సిద్ధమయ్యారు. ఇక ఈయన కూడా ఎంతో ఘనంగా నిశ్చితార్థం జరుపుకున్నారు. ఈ క్రమంలోనే మరొక హీరో కూడా పెళ్లి చేసుకోబోతున్నారంటూ వార్తలు వచ్చాయి.

ఇండస్ట్రీలో హీరోగా ఎంతో మంచి గుర్తింపు సంపాదించుకున్న రామ్ పోతినేని కూడా త్వరలోనే ప్రముఖ వ్యాపారవేత్త కుమార్తెను వివాహం చేసుకోబోతున్నారు అంటూ పెద్ద ఎత్తున వార్తలు వచ్చాయి. అయితే ఈ వార్తలు సోషల్ మీడియాలో వైరల్ గా మారడంతో అసలు రామ్ పెళ్లి చేసుకోబోయే అమ్మాయి ఎవరు అంటూ ఆరా తీస్తున్నారు.

ఈ విధంగా హీరో రామ్ పెళ్లి గురించి వార్తలు వస్తున్న నేపథ్యంలో స్రవంతి రవి కిషోర్ ఈ పెళ్లి వార్తలపై స్పందించారు. స్రవంతి రవి కిషోర్ బ్యానర్ ఏర్పాటు చేసి ఎన్నో అద్భుతమైన సినిమాలను చేసినటువంటి ఈయన హీరో రామ్ కి స్వయంగా బాబాయ్ అవుతారు. ఇలా రామ్ పెళ్లి వార్తలు గురించి ఈయన మాట్లాడుతూ రామ్ పెళ్లి గురించి వస్తున్నటువంటి వార్తలలో నిజం లేదని కొట్టి పారేశారు.

Ram Pothineni: ఎలాంటి నిర్ణయం తీసుకోలేదు…

ఒకవేళ రామ్ కి నిజంగానే పెళ్లి కుదిరితే దాచాల్సిన అవసరం ఏమాత్రం లేదని ఈ విషయం అందరితో పంచుకుంటామని తెలిపారు. ఇంకా రామ్ పెళ్లి విషయంలో ఏ విధమైనటువంటి నిర్ణయం తీసుకోలేదని ఈ సందర్భంగా స్రవంతి రవి కిషోర్ చేసిన ఈ కామెంట్స్ వైరల్ అవుతున్నాయి. ప్రస్తుతం బోయపాటి శ్రీను దర్శకత్వంలో ఓ సినిమా చేస్తున్న సంగతి మనకు తెలిసిందే.