Rani Mukerji: బాలీవుడ్ ఇండస్ట్రీలో హీరోయిన్ గా గుర్తింపు పొందిన వారిలో రాణి ముఖర్జీ కూడా ఒకరు. నటనకు ప్రాధాన్యత ఉన్న వైవిధ్యమైన లేడీ ఓరియంటెడ్ సినిమాలలో నటిస్తూ రాణి ముఖర్జీ తనకంటూ ఒక మంచి గుర్తింపు ఏర్పరచుకుంది. ఎప్పటికప్పుడు మంచి మంచి సినిమాలలో నటిస్తూ ప్రేక్షకులను ఆకట్టుకుంటున్న రాణి ముఖర్జీ ప్రస్తుతం ‘మిసెస్ ఛటర్జీ వర్సెస్ నార్వే’ అనే రియల్ లైఫ్ డ్రామాలో నటించింది.
మార్చి 17న ఈ సినిమా విడుదల కానుంది. ఈ క్రమంలోనే తాజాగా చిత్ర బృందం ఈ సినిమా ప్రమోషన్స్ ని ప్రారంభించింది. సినిమా ప్రమోషన్స్ లో భాగంగా ఇంటర్వ్యూలలో పాల్గొంటున్న రాణి ముఖర్జీ ఇటీవల తన భర్త గురించి చేసిన వ్యాఖ్యలు వైరల్ గా మారాయి. ప్రముఖ బాలీవుడ్ నిర్మాత ఆదిత్య చోప్రాను రాణీ ముఖర్జీ పెళ్లి చేసుకుంది. ఆయనకు సొంత నిర్మాణ సంస్థతో పాటు డిస్ట్రిబ్యూషన్ హౌస్, స్టూడియో కూడా ఉన్నాయి.
ఇదిలా ఉండగా ఇటీవల సినిమా ప్రమోషన్స్ లో భాగంగా ఒక ఇంటర్వ్యూలో పాల్గొన్న రాణి ముఖర్జీ తన భర్త గురించి ఇంట్రెస్టింగ్ కామెంట్స్ చేసింది. ఈ ఇంటర్వ్యూలో ఆమె మాట్లాడుతూ..” నా భర్త ఎంతో మంది హీరోయిన్లతో కలిసి పనిచేస్తున్నాడు. అలాంటప్పుడు నేను ఇతర నిర్మాతలతో కలిసి ఎందుకు పని చేయకూడదు. నాకు స్క్రిప్ట్ నచ్చితే చాలు ఎవరితోనైనా పని చేస్తాను. అది యష్ రాజ్ ఫిల్మ్స్ అయినా సరే లేక మరేదైనా సరే .
Rani Mukerji: నా సినిమా చూసి ఎమోషనల్ అయ్యారు…
ఇక నా కొత్త సినిమా చూసి నా భర్త ఆదిత్య చోప్రా చాలా ఎమోషనల్ అయ్యారు. సాధారణంగా ఏదైనా సినిమా చూసిన తరువాత ఆయన ఎమోషనల్ అవ్వటం అనేది చాలా తక్కువసార్లు జరుగుతుంది. అలాంటిది ఆ సినిమాలో నా యాక్టింగ్ చూసి ఆయన చాలా మెచ్చుకున్నారు.’ అంటూ తన భర్త గురించి ఇంట్రెస్టింగ్ కామెంట్స్ చేసింది. బాలీవుడ్ లో లేడి ఓరియెంటెడ్ సినిమాలకు కేరాఫ్ అడ్రస్ గా మారిన రాణి ముఖర్జీ నటించిన తాజా చిత్రం ప్రేక్షకులను ఎలా ఆకట్టుకుంటుందో చూడాలి మరి.