Singer Sunitha: సింగర్ సునీత పరిచయం అవసరం లేని పేరు. తన అద్భుతమైన గాత్రంతో ఎన్నో వందల పాటలను ఆలపించి ఎంతో మంది శ్రోతలను ఆకట్టుకున్న సునీత కేవలం సింగర్ గా మాత్రమే కాకుండా డబ్బింగ్ ఆర్టిస్ట్ గా కూడా ఇండస్ట్రీలో ఎంతో పేరు ప్రఖ్యాతలు సంపాదించుకున్నారు.ఇలా సింగర్ గా డబ్బింగ్ ఆర్టిస్ట్ గా ఇండస్ట్రీలో కొనసాగుతున్నటువంటి ఈమె వ్యక్తిగత జీవితంలో మాత్రం ఎన్నో ఒడిదులుకోలు ఎదుర్కొన్నారు.
మొదట వివాహం చేసుకున్న ఈమె ఇద్దరు పిల్లలకు జన్మనిచ్చిన తరువాత తన భర్తతో విభేదాల కారణంగా విడిపోయారు. ఇలా తన పిల్లల బాగోగులు చూసుకుంటూ ఒంటరిగా ప్రయాణం చేస్తున్న సునీత తాజాగా తన స్నేహితుడిని రెండవ వివాహం చేసుకున్న విషయం మనకు తెలిసిందే. ఇలా రెండవ వివాహం తర్వాత ఈమె తన జీవితంలో ఎంతో సంతోషంగా ఉన్నారు.
ఇకపోతే సునీత పెళ్లిచేసుకున్న అనంతరం తరచూ ఈమె ప్రెగ్నెన్సీ గురించి సోషల్ మీడియాలో పెద్ద ఎత్తున వార్తలు వస్తున్నాయి.సునీత ప్రెగ్నెంట్ అంటూ ఇదివరకు ఎన్నోసార్లు వార్తలు షికారులు చేశాయి. అయితే ఆ వార్తలపై స్పందిస్తూ వచ్చారు. తాజాగా మరోసారి తన ప్రేగ్నెన్సీ రూమర్ల గురించి ఈమె స్పందిస్తూ ఫుల్ క్లారిటీ ఇచ్చేశారు.
Singer Sunitha: వారి ఆలోచనలకే వదిలేస్తున్నా…
ఈ సందర్భంగా సునీత మాట్లాడుతూ నేను ప్రెగ్నెంటా? ఈ విషయం నాకు కూడా తెలియదే అంటూ సమాధానం చెప్పారు. ఇలాంటి రూమర్లను పుట్టిస్తున్న వారి ఆలోచనలకే ఈ విషయాన్ని వదిలేస్తున్నాను అంటూ ఈమె తన ప్రెగ్నెన్సీ గురించి వస్తున్నటువంటి వార్తలపై స్పందిస్తూ అవన్నీ కేవలం వట్టి రూమర్లు మాత్రమే అంటూ చెప్పేశారు. దీంతో సునీత చేసినటువంటి ఈ కామెంట్స్ వైరల్ అవుతున్నాయి.