Singer sunitha: టాలీవుడ్ ఇండస్ట్రీలో ప్లేబ్యాక్ సింగర్ గా, డబ్బింగ్ ఆర్టిస్ట్ గా ఎంతో మంచి పేరు ప్రఖ్యాతలు సంపాదించుకొని విశేషమైన ఫ్యాన్ ఫాలోయింగ్ సంపాదించుకున్న సింగర్ సునీత గురించి ప్రత్యేకంగా చెప్పాల్సిన పనిలేదు. ఈమె ఎన్నో అద్భుతమైన పాటలతో ఎంతో మంది అభిమానులను సంపాదించుకున్నారు. ఇకపోతే సునీత ఈ ఏడాది మొదట్లో తన స్నేహితుడు రామ్ వీరపనేని రెండవ వివాహం చేసుకున్న సంగతి మనకు తెలిసిందే.

వివాహం తర్వాత సునీత పూర్తిగా తన కెరీర్లో ఎంతో బిజీగా ఉన్నారు. ఒకవైపు వృత్తిపరమైన జీవితాన్ని మరొకవైపు వ్యక్తిగత జీవితంలో ఎంతో బిజీగా గడుపుతున్నారు. ఇదిలా ఉండగా తాజాగా ఒక ఇంటర్వ్యూలో పాల్గొన్న సునీతకు తన మ్యారేజ్ లైఫ్ ఎలా ఉంది అనే ప్రశ్న ఎదురయింది. ఈ ప్రశ్నకు సునీత తనదైన శైలిలో సమాధానం చెప్పుకొచ్చారు.

ఈ సందర్భంగా ఆమె సమాధానం చెబుతూ వివాహం తర్వాత నా జీవితం ఎలా ఉందో నా ఫేస్ చూస్తే అర్థం అవుతోంది. నా జీవితంలో ఎంతో గౌరవంగా, నచ్చిన విధంగా బ్రతకాలి అనుకున్నాను ప్రస్తుతం అలాగే బ్రతుకుతున్నాను.వివాహం తర్వాత నా జీవితం ఇంత ఆనందంగా సంతోషంగా ఉంటుందని అనుకోలేదు అంటూ ఈమె తన రెండవ వివాహ జీవితం గురించి తెలిపారు.

Singer Sunitha: ఈ ఏడాది ఎంతో మందిని పోగొట్టుకున్నా..

ప్రస్తుతం తను, తన భర్త ఇద్దరూ ఒకే రంగంలో ఉండటం వల్ల ఒకరికొకరు సహాయం చేసుకుంటూ ముందుకు సాగుతున్నామని, ప్రొఫెషనల్ లైఫ్ తో పోలిస్తే పర్సనల్ లైఫ్ కి ఎక్కువ సమయం కేటాయిస్తున్నానని ఈమె తెలియజేశారు. ఇక ఈ ఏడాదిలో ఎంతోమందిని పోగొట్టుకున్నానని ముఖ్యంగా బాలు గారి గురించి తలుచుకుని సునీత ఎమోషనల్ అయ్యారు. ఆయన మరణం తర్వాత కన్నీళ్ళు రావడం ఆగిపోయాయని ఈ ఇంటర్వ్యూలో సునీత బాలు గురించి తలుచుకుని ఎమోషనల్ అయ్యారు.