Super Star Krishna: టాలీవుడ్ ఇండస్ట్రీలో గొప్ప కథానాయకులుగా పేరు సంపాదించుకున్న వారిలో నందమూరి తారకరామారావు గురించి ప్రత్యేకంగా చెప్పాల్సిన పనిలేదు. ఇక నందమూరి తారకరామారావు హీరోగా చేస్తున్న సమయంలో కృష్ణ కూడా ఇండస్ట్రీలోకి ఎంట్రీ ఇచ్చి ఎన్నో అద్భుతమైన సినిమాల్లో నటించారు.ఇకపోతే కృష్ణ కేవలం హీరోగా మాత్రమే కాకుండా దర్శకుడిగా నిర్మాతగా కూడా ఎంతో మంచి పేరు సంపాదించుకున్నారు.

ఇకపోతే గతంలో ఒక సినిమా విషయంలో ఎన్టీఆర్,కృష్ణ మధ్య తీవ్రస్థాయిలో మనస్పర్థలు వచ్చాయని ఆ సినిమా కారణంగా వీరి ఇద్దరి మధ్య మాటలు కూడా లేవని మనకు తెలిసిందే. ఆ సినిమానే అల్లూరి సీతారామరాజు. తాజాగా కృష్ణ ఒక ఇంటర్వ్యూలో పాల్గొని ఎన్టీఆర్ గురించి సంచలన వ్యాఖ్యలు చేశారు.

ఈ సందర్భంగా కృష్ణ మాట్లాడుతూ ఎన్టీఆర్ హీరోగా చేస్తున్న సమయంలో కృష్ణ కాలేజీకి వెళ్తున్నానని ఆ సమయంలో ఎన్టీఆర్ సినిమాలు ఏవి వచ్చిన తప్పనిసరిగా ఆ సినిమా చూసే వాడినని తెలిపారు.ఈ క్రమంలోనే అగ్గి రాముడు సినిమాలో బుర్ర కథలో భాగంగా అల్లూరి సీతారామరాజు కథ చెప్పినప్పుడు ఎంతో ఇన్స్పైర్ అయ్యారని కృష్ణ ఈ సందర్భంగా వెల్లడించారు.

ఇకపోతే ఈ సినిమాని ఎన్టీఆర్ హీరోగా చేస్తే చూడాలని ఉంది అంటూ భావించారు. ఇక తాను ఇండస్ట్రీలోకి వచ్చిన తర్వాత తన పదకొండవ చిత్రం అసాధ్యుడు సినిమాలో సీతారామరాజు అంతర్నాటకం పెట్టారు. ఈ నాటకంలో అల్లూరి పాత్రలో నటించానని ఈ పాత్రను ప్రతి ఒక్క ప్రేక్షకుడికి 100% నచ్చిందని కృష్ణ వెల్లడించారు. ఇక అల్లూరి సీతారామరాజు సినిమా ఎప్పుడు చేస్తారంటూ ప్రతిసారి ఎన్టీఆర్ ను అడిగినప్పుడు ఉండవయ్య నువ్వు, తర్వాత చూస్తాను.. ఇప్పుడు కాదు అని సమాధానం చెప్పేవారు. కానీ ఈ సినిమాని మాత్రం చేయలేదు.

ఈ క్రమంలోనే దేవుడు చేసిన మనుషులు తర్వాత తానే అల్లూరి సీతారామరాజు కథను అనౌన్స్ చేసి సినిమా చేశాను. ఈ సినిమా అద్భుతమైన విజయాన్ని అందుకుంది. ఈ సినిమా చేసిన తర్వాత దాదాపు కొన్ని సంవత్సరాల పాటు ఎన్టీఆర్ కు తనకు మాటలు లేవని కృష్ణ తెలిపారు. ఇక ఒక సందర్భంలో భాగంగా రచయితల అందరితో కలిసి మాట్లాడిన ఎన్టీఆర్.. అల్లూరి సీతారామరాజు కథ చేద్దాం కథ రాయమని పరుచూరి బ్రదర్స్ కి చెప్పారు.

ఈ క్రమంలోనే పరుచూరి బ్రదర్స్ ఎన్టీఆర్ తో మాట్లాడుతూ మీరు ఏమి అనుకోకపోతే మాది ఒక చిన్న విన్నపం ముందు మీరు కృష్ణ నటించిన అల్లూరి సీతారామరాజు సినిమా చూడండి ఆ సినిమా చూసిన తర్వాత మీరు సినిమా చేస్తాను అంటే మేము కథ ఇస్తాము అని చెప్పారు. అయితే ఒక సినిమా షూటింగ్ కోసం ఎన్టీఆర్ కృష్ణ పక్క పక్క రూములోనే మేకప్ వేసుకుని బయటకు రాగా ఎన్టీఆర్ బ్రదర్ అని పిలిచారు.

ఇంతకన్నా అద్భుతంగా ఎవరు నటించలేరు….

మీరు నటించిన అల్లూరి సీతారామరాజు సినిమా ఇప్పటి వరకు నేను చూడలేదు అయితే నేను ఆ సినిమాని చూడాలనుకుంటున్నాను అది కూడా మీరు పక్కన ఉంటేనే నేను చూస్తాను అంటూ చెప్పారు. ఎన్టీఆర్ ఇలా చెప్పడంతో అప్పటికప్పుడు ఈ సినిమా రీల్ తెప్పించి చూసే ఏర్పాట్లు చేసాము. ఇలా పూర్తి సినిమా చూసిన ఎన్టీఆర్ సినిమా అయిపోయిన తర్వాత సినిమా ఎక్స్ట్రార్డినరీగా ఉంది ఇంత కన్నా అద్భుతంగా ఎవరు చేయలేరు గుడ్ జాబ్ బ్రదర్ అంటూ తనని ప్రశంసించారని కృష్ణ వెల్లడించారు. ఇక ఈ సినిమా చూసిన తరువాత పరుచూరి బ్రదర్స్ ఎన్టీఆర్ ను కలిసి అన్నగారు అల్లూరి సీతారామరాజు కథ రాయమంటారా? అని అడిగారు. దీంతో మీరు రాయనక్కర్లేదు మేము తీయాల్సిన పని లేదు… ఇంత కన్నా అద్భుతంగా ఇంకెవరూ చేయలేరు అంటూ అల్లూరి సీతారామరాజు సినిమా గురించి ఎన్టీఆర్ ప్రశంశలు అందించారని కృష్ణ ఈ ఇంటర్వ్యూ సందర్భంగా వెల్లడించారు.