Taapsee: ఇటీవల కాలంలో సినిమా సెలబ్రిటీలు వరుసగా పెళ్లిళ్లు చేసుకుంటూ కొత్త జీవితంలోకి అడుగుపెడుతున్నారు. ఈ క్రమంలోనే ఎంతో మంది సెలబ్రిటీలు పెళ్లికి సిద్ధమయ్యారు. ఇటీవల నటి రకుల్ ప్రీత్ సింగ్ ఎంతో ఘనంగా నటుడు జాకీ భగ్నానిను గోవాలో పెళ్లి చేసుకున్న సంగతి మనకు తెలిసిందే. ఇలా వీరి వివాహం జరిగిన వెంటనే మరొక సెలబ్రిటీ కూడా పెళ్లికి సిద్ధమయ్యారని తెలుస్తుంది.
టాలీవుడ్ ఇండస్ట్రీలో మాత్రమే కాకుండా బాలీవుడ్ ఇండస్ట్రీలో కూడా నటిగా ఎంతో మంచి గుర్తింపు సంపాదించుకున్నటువంటి వారిలో తాప్సీ ఒకరు అయితే ఈమె కూడా త్వరలోనే పెళ్లి పీటలు ఎక్కడానికి సిద్ధమయ్యారని తెలుస్తోంది. మరి ఈ ముద్దుగుమ్మ పెళ్లి చేసుకోబోయే వ్యక్తి ఎవరు అతని బ్యాగ్రౌండ్ ఏంటి అనే విషయానికి వస్తే..
తాప్సీ దాదాపు పదేళ్లుగా డెన్మార్క్ బ్యాడ్మింటన్‌ కోచ్‌ మథియాస్‌ బోయ్‌తో ప్రేమలో ఉంది. ఇన్నాళ్లు చాలా సైలెంట్‌గా తన లవ్‌ ట్రాక్‌ని నడిపించింది. ఇటీవలే ఆమె ప్రేమ విషయం బయటకు వచ్చింది. ఇలా పది సంవత్సరాలుగా ప్రేమలో ఉన్నటువంటి వీరిద్దరూ ఇటీవల పెళ్లి చేసుకోవాలని భావించారు. ఈ క్రమంలోనే వీరి వివాహం మార్చి నెలలో జరగబోతుందని సమాచారం.
మార్చిలోనే వివాహం..
తాప్సీ మథియాస్‌ వివాహం ఉదయపూర్ లోని ఓ పురాతన ప్యాలెస్ లో ఎంతో అంగరంగ వైభవంగా జరగబోతుంది. ఈ వివాహ వేడుకకు కుటుంబ సభ్యులు, సన్నిహితులు, సెలబ్రిటీలు కూడా హాజరుకానున్నారని తెలుస్తుంది. వీరి వివాహం సిక్కు క్రిస్టియన్ సంప్రదాయ పద్ధతులలో జరగబోతుందని తెలుస్తోంది.