Brahmanandam: టాలీవుడ్ ఇండస్ట్రీలో కమెడియన్ గా గుర్తింపు పొందిన వారిలో బ్రహ్మానందం కూడా ఒకరు. ఎన్నో దశాబ్దాలుగా ఇండస్ట్రీలో కమెడియన్ గా రాణిస్తూ గుర్తింపు పొందిన బ్రహ్మానందం నంబర్ వన్ కమెడియన్ గా చెరగని ముద్ర వేసుకున్నాడు. ఎన్నో సినిమాలలో నటించి తన హావభావాలతో ప్రేక్షకులను కడుపుబ్బ నవ్వించే బ్రహ్మానందం అంటే చిన్నపిల్లలకు సైతం అమితమైన అభిమానం. ఇప్పటికీ సోషల్ మీడియాలో ఈయన ఇమేజెతో ఉన్న మీమ్స్ బాగా ట్రెండ్ అవుతున్నాయి.
ఇంతకాలం ప్రతీ సినిమాలోనూ తన నటనతో ప్రేక్షకులను నవ్వించిన బ్రహ్మానందం కొంతకాలం క్రితం హార్ట్ సర్జరీ చేయించుకోవడం వల్ల సినిమాలలో ఎక్కువగా కనిపించటం లేదు. అయితే కొన్ని సినిమాలో ముఖ్యమైన తక్కువ నివిడి ఉన్న పాత్రలలో నటిస్తూ ప్రేక్షకులను నవ్విస్తున్నాడు. ఇటీవల బాలకృష్ణ హీరోగా నటించిన వీర సింహారెడ్డి సినిమాలో కూడా ఒక కీలక పాత్రలో కనిపించాడు. అంతేకాకుండా రంగమార్తాండ సినిమాలో కూడా కీలక పాత్రలో కనిపించనున్నాడు.
ఇదిలా ఉండగా తాజాగా భార్యతో కలిసి ఉన్న బ్రహ్మానందం ఫోటోలు సోషల్ మీడియాలో వైరల్ అవుతున్నాయి. ఈ ఫోటోలను బ్రహ్మానందం తనయుడు గౌతమ్ స్వయంగా సోషల్ మీడియాలో పోస్ట్ చేశాడు. దీంతో ఈ ఫోటోలు ప్రస్తుతం సోషల్ మీడియాలో వైరల్ అవుతున్నాయి. బ్రహ్మానందం కమెడియన్ గా మాత్రమే కాకుండా తన కళా నైపుణ్యంతో కూడా అభిమానులను ఆశ్చర్యపరుస్తున్నాడు. చాలా కాలంగా సినిమాలను తగ్గించి ఇంట్లో ఎక్కువ సమయం గడుపుతున్న బ్రహ్మానందం తనలో ఉన్న టాలెంట్ తో అద్భుతమైన డ్రాయింగ్స్ వేస్తున్నాడు.
Brahmanandam: ఆకట్టుకుంటున్న ఫోటోలు…
ఆ డ్రాయింగ్స్ కి సంబంధించిన ఫోటోలు కూడా సోషల్ మీడియాలో వైరల్ అవుతున్నాయి. ఈ ఫోటోలు చూసి పలువురు సినీ ప్రముఖులతో పాటు ఆయన అభిమానులు కూడా ప్రశంసలు కురిపిస్తున్నారు. అయితే అనారోగ్య కారణాలవల్ల బ్రహ్మానందం సినిమాలలో ఎక్కువగా కనిపించకపోవటంతో ఆయన అభిమానులు కొంతవరకు నిరాశ చెందుతున్నారు.