Mokshagna: టాలీవుడ్ ఇండస్ట్రీలో హీరోగా ఎంతో పేరు ప్రఖ్యాతలు సంపాదించుకున్న నందమూరి బాలకృష్ణ గురించి ప్రత్యేకంగా చెప్పాల్సిన పనిలేదు. అయితే ఈయనతో పాటు హీరోలుగా ఇండస్ట్రీలో కొనసాగిన పలువురు హీరోల కుమారులు ఇప్పటికే ఇండస్ట్రీలోకి వారసులుగా ఎంట్రీ ఇచ్చారు.ఈ క్రమంలోనే నందమూరి అభిమానులు మోక్షజ్ఞ సినిమా ఎంట్రీ కోసం ఎంతో ఆతృతగా ఎదురుచూస్తున్నారు.

ఇదిగో అదిగో అంటూ మోక్షజ్ఞ సినీ ఎంట్రీ గురించి ఊరిస్తున్నారు తప్ప ఈయన సినిమాల గురించి ఎలాంటి క్లారిటీ ఇవ్వలేదు. ఇకపోతే తాజాగా ప్రముఖ ఆస్ట్రాలజర్ వేణు స్వామి మోక్షజ్ఞ సినీ ఎంట్రీ గురించి చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఇప్పటికే ఎంతోమంది సినీ సెలబ్రిటీల జీవితాల గురించి కామెంట్స్ చేసిన వేణు స్వామి తాజాగా మోక్షజ్ఞ సినీ పొలిటికల్ ఎంట్రీ పై చేసిన కామెంట్స్ వైరల్ అవుతున్నాయి.

ఈ సందర్భంగా వేణు స్వామి మాట్లాడుతూ.. తాను మోక్షజ్ఞ జాతకం చూశానని, ఈయన జాతకం ప్రకారం ఇండస్ట్రీలో తన కెరియర్ ఎంతో అద్భుతంగా ఉంటుందని తెలిపారు. తన కెరీర్ మొత్తం ఇండస్ట్రీలోనే కొనసాగుతుందని,అయితే ఈయన ఇండస్ట్రీలోకి అడుగు పెట్టడానికి మరో మూడు సంవత్సరాల సమయం పడుతుందంటూ వేణు స్వామి తెలిపారు.

Mokshagna: రాజకీయ యోగం లేదు..

సినిమా ఇండస్ట్రీలో ఆయన కెరియర్ ఎంతో అద్భుతంగా ఉంటుంది అయితే ఈయన జాతకం ప్రకారం ఈయనకు రాజకీయ యోగం లేదని ఇతను రాజకీయాలకు దూరంగా ఉంటారని వేణు స్వామి తెలిపారు.ఇలా మోక్షజ్ఞ గురించి ఈయన చేసినటువంటి కామెంట్స్ సోషల్ మీడియాలో వైరల్ అవుతున్నాయి. మరి మోక్షజ్ఞ విషయంలో ఈయన జాతకం ఎంతవరకు నిజమవుతుంది అనేది తెలియాల్సి ఉంది.