Bhuma Mounika: దివంగత నాయకుడు భూమా నాగిరెడ్డి కుమార్తె భూమా మౌనిక రెడ్డి గురించి ప్రత్యేకంగా పరిచయం చేయాల్సిన అవసరం లేదు. ఇటీవల మంచు మనోజ్ ని వివాహం చేసుకోవడంతో భూమా మౌనిక సెలబ్రిటీగా మారిపోయింది. ఎంతోకాలంగా మంచి స్నేహితులుగా ఉన్న మంచి మనోజ్ భూమా మౌనిక వారి వైవాహిక జీవితంలో ఒడిదుడుకులు రావడంతో ఇద్దరూ కూడా తమ మొదటి వివాహాలను రద్దు చేసుకున్నారు.
ఇటీవల రెండోసారి ఇద్దరు కలిసి వివాహం చేసుకొని తమ కొత్త జీవితాన్ని ప్రారంభించారు. అయితే మౌనిక రెడ్డిని వివాహం చేసుకోవడానికి మనోజ్ ఎన్నో కష్టాలు అనుభవించినట్లు గతంలో ఒక ఇంటర్వ్యూలో చెప్పుకొచ్చాడు..మొత్తానికి ఇద్దరు కూడా వివాహం చేసుకొని కొత్త జీవితాన్ని ప్రారంభించి ఎంతో సంతోషకర జీవితాన్ని గడుపుతున్నారు. తాజాగా ఈ జంట సీనియర్ నటి సుమలత కుమారుడు వివాహానికి హాజరయ్యారు.
సీనియర్ నటి, కర్ణాటక ఎంపీ సుమలత కుమారుడు అభిషేక్ వివాహం ప్రముఖ ఫ్యాషన్ డిజైనర్ ప్రసాద్ బిడపా కుమార్తె అవివాతో ఘనంగా జరిగింది. బెంగళూరులో జరిగిన ఈ వివాహ వేడుకకు మంచు కుటుంబ సభ్యులు హాజరయ్యారు. ఈ వివాహ వేడుకకు మంచు మనోజ్ – మౌనిక దంపతులతో పాటు మోహన్ బాబు, ఆయన సతీమణి అలాగే మంచు లక్ష్మీప్రసన్న కూడా హాజరైంది. .ప్రస్తుతం ఈ వివాహానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
Bhuma Mounika: ఎప్పుడు కనిపించని లుక్ లో మౌనిక..
ఈ ఫోటోలలో మంచు మనోజ్ మౌనిక సెంటర్ ఆఫ్ అట్రాక్షన్ గా నిలిచారు. ఈ ఫోటోలలో మౌనిక ఫ్యాషన్ దుస్తులలో అందంగా మెరిసిపోతుంది. ఎప్పుడు సాంప్రదాయ దుస్తులు ధరించే మౌనిక ఈ వివాహ వేడుకలో సినీ సెలబ్రిటీలతో పాటు ఫ్యాషన్ దుస్తులు ధరించింది. అలా మొదటిసారిగా మౌనికని సెలబ్రిటీల మధ్య ఫ్యాషన్ దుస్తులలో చూసిన మంచు మనోజ్ అభిమానులు ఆనందం వ్యక్తం చేస్తున్నారు.
