Actress Maheswari: సినిమా ఇండస్ట్రీలోకి కొత్త హీరోయిన్లు వస్తూ ఉంటే పాత హీరోయిన్లు కనుమరుగవుతూ ఉంటారు. అయితే కొంతమంది హీరోయిన్లు మాత్రం తిరిగి తమ సెకండ్ ఇన్నింగ్స్ ప్రారంభించి అభిమానులను ప్రేక్షకులను సందడి చేస్తూ ఉంటారు. ఇలా ఇప్పటికే ఎంతోమంది సీనియర్ హీరోయిన్స్ తమ సెకండ్ ఇన్నింగ్స్ ప్రారంభించి ఎంతో బిజీగా ఇండస్ట్రీలో గడుపుతున్నారు.

ఇలా ఒకప్పుడు ఎంతో మంది స్టార్ హీరోలతో తెలుగు తమిళ భాషలలో వరుస సినిమాలలో నటించిన మహేశ్వరి గురించి అందరికీ సుపరిచితమే. తెలుగు సినిమా ఇండస్ట్రీలోకి అమ్మాయి కాపురం అనే సినిమాతో ఎంట్రీ ఇచ్చిన ఈమె ఈ సినిమాతో పెద్దగా ఆకట్టుకోలేకపోయింది అనంతరం పెళ్లి సినిమాతో ఎంతో మంచి హిట్ అందుకుంది.

అనంతరం రవితేజతో కలిసి నటించిన నీకోసం అనే సినిమాకు గాను ఈమె నంది అవార్డును కూడా అందుకున్నారు. ఇలా గులాబీ, దెయ్యం, నీకోసం, పెళ్లి, ప్రియురాగాలు, మా అన్నయ్య,తిరుమల తిరుపతి వెంకటేశ వంటి సినిమాలలో నటించి సందడి చేసినటువంటి మహేశ్వరి ప్రస్తుతం ఇండస్ట్రీకి దూరమయ్యారు. అయితే ఈమె 2008వ సంవత్సరంలో జయకృష్ణ అనే వ్యాపారవేత్తను వివాహం చేసుకొని వైవాహిక జీవితంలో స్థిరపడ్డారు.

Actress Maheswari: సెకండ్ ఇన్నింగ్స్ కు సిద్ధమైన మహేశ్వరి…

ఇలా వైవాహిక జీవితంలో స్థిరపడినటువంటి ఈమె ఇండస్ట్రీకి దూరమయ్యారు అయితే ఈ మధ్యకాలంలో సోషల్ మీడియా వేదికగా తన ఫ్యామిలీ ఫోటోలను షేర్ చేస్తూ సందడి చేస్తున్నారు ఇక దివంగత నటి శ్రీదేవికి సమీప బంధువు అయినటువంటి మహేశ్వరి ప్రస్తుతం శ్రీదేవి కుమార్తె జాన్వీ కెరియర్ కు చాలా అండగా నిలుస్తున్నారని ఆమె షూటింగ్ లొకేషన్లో తనకు తోడుగా పాల్గొంటూ తన కెరీర్ కు అండగా నిలుస్తున్నారని తెలుస్తుంది. అలాగే మంచి కథ పాత్రలు కనుక దొరికితే మహేశ్వరి సెకండ్ ఇన్నింగ్స్ ప్రారంభించడానికి కూడా సిద్ధంగా ఉన్నారని తెలుస్తోంది.