తెలుగు సినిమా ఇండస్ట్రీలో సీనియర్ నటుడిగా ఎంతో మంచి గుర్తింపు సంపాదించుకున్న కైకాల సత్యనారాయణ ఆరోగ్య పరిస్థితి విషమంగా మారింది. దీంతో ఆయనను జూబ్లీహిల్స్ లోని అపోలో ఆస్పత్రిలో వెంటిలేటర్ మంచి చికిత్స అందిస్తున్నారు. ఈ క్రమంలోనే ఆదివారం సాయంత్రం అపోలో వైద్యులు హెల్త్ బులిటెన్ విడుదల చేశారు.
ప్రస్తుతం కైకాల సృహలోనే ఉన్నారని వైద్యులు పేర్కొన్నారు.ఆయనకు చికిత్స అందిస్తున్నామని అయితే ఆయన పరిస్థితి విషమంగా ఉండటం వల్ల అతనికి ఐసియులోని వెంటిలేటర్ పై చికిత్స అందిస్తున్నామని వైద్యులు హెల్త్ బులిటెన్ లో పేర్కొన్నారు.
కైకాల సత్యనారాయణ గారికి బీపీ లెవెల్స్ పూర్తిగా తగ్గిపోవటం వల్ల వాసో ప్రెజర్‌ సాయంతో చికిత్స అందిస్తున్నామని పేర్కొన్నారు. గత కొద్ది రోజుల క్రితం తన ఇంటిలో జారిపడినప్పటినుంచి ఈయనకు అనారోగ్య సమస్యలు తలెత్తాయని ఈ క్రమంలోనే ఆయన ఆరోగ్య పరిస్థితి మరింత క్షీణించడంతో ఇతనికి అపోలో ఆస్పత్రిలో చికిత్స అందిస్తున్నట్లు కుటుంబ సభ్యులు పేర్కొన్నారు.
అయితే ఆయన ఆరోగ్య పరిస్థితిపై వైద్యబృందం ఎప్పటికప్పుడు పరిశీలిస్తూ మెరుగైన చికిత్స అందిస్తున్నట్లు పేర్కొన్నారు. ఇకపోతే ఆయన ఆరోగ్య పరిస్థితి విషమంగా ఉందని తెలియడంతో అభిమానులు ఆందోళన చెందుతున్నారు. ఎలాగైనా అతను కోలుకొని క్షేమంగా బయటకు రావాలని అభిమానులు ప్రార్థిస్తున్నారు.