Ali Daughter: తెలుగు సినిమా ఇండస్ట్రీలోకి బాల నటుడిగా ఎంట్రీ ఇచ్చి అనంతరం కమెడియన్ గా వందల సినిమాలలో నటిస్తూ నటుడిగా ఎంతో పేరు ప్రఖ్యాతలు సంపాదించుకున్నారు కమెడియన్ అలీ. ప్రస్తుతం ఈయన సినిమాలకు కాస్త దూరమైనప్పటికీ నిర్మాత గాను వ్యవహరిస్తున్నారు. అదేవిధంగా బుల్లితెరపై ప్రసారమవుతున్నటువంటి ఆలీతో సరదాగా కార్యక్రమానికి వ్యాఖ్యాతగా కూడా వ్యవహరిస్తున్నారు.

ఈ విధంగా తన కెరియర్ లో ఎంతో బిజీగా ఉన్నటువంటి ఆలీ ఏపీ రాష్ట్ర రాజకీయాలలో కూడా చురుగ్గా ఉంటున్నారు. ఈ క్రమంలోనే తాజాగా ఏపీ ప్రభుత్వం ఈయనని ఏపీ ఎలక్ట్రానిక్ మీడియా సలహాదారునిగా నియమిస్తూ ఉత్తర్వులు జారీ చేసింది. ఇలా వృత్తిపరమైన జీవితంలో ఆలీ ఎంతో బిజీగా గడుపుతున్నారని చెప్పాలి.

ఇక అలీ కుమార్తె ఫాతిమాకు ఆగస్టు నెలలో హైదరాబాదులో ఎంతో ఘనంగా నిశ్చితార్థం జరిపిన సంగతి మనకు తెలిసిందే. ఈ విధంగా తన కుమార్తె నిశ్చితార్థపు ఫోటోలు సోషల్ మీడియాలో వైరల్ అయ్యాయి..ఇకపోతే తాజాగా అలీ ఇంట పెళ్లి వేడుకలు మొదలైనట్టు తెలుస్తుంది. ఈ క్రమంలోనే మొదటగా తన కుమార్తె హల్దీ వేడుకలను ప్రారంభించడంతో పెద్ద ఎత్తున కుటుంబ సభ్యులు బంధుమిత్రులు ఈ హల్దీ వేడుకకు హాజరైనట్టు తెలుస్తోంది.

Ali Daughter: ఘనంగా వివాహం చేయనున్న అలీ…

ఈ హల్ది వేడుకలలో భాగంగా ఫాతిమా ఎంతో అందంగా మెరిసిపోతూ ఉన్నారు.ఇలా హల్దీ వేడుకలలో భాగంగా అలీ కుటుంబ సభ్యులు బంధువులు పెద్ద ఎత్తున సందడి చేస్తూ ఈ కార్యక్రమాన్ని నిర్వహించినట్టు తెలుస్తోంది. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.ఇక త్వరలోనే అలీ కుమార్తె వివాహాన్ని ఎంతో ఘనంగా నిర్వహించనున్నారు. ఈ వివాహానికి ఇటు సినీ ప్రముఖులతో పాటు,రాజకీయ నాయకులు కూడా పెద్ద ఎత్తున హాజరుకానున్నట్లు సమాచారం. ఇక ఏపీ ముఖ్యమంత్రి జగన్మోహన్ రెడ్డిని కూడా అలీ దంపతులు మర్యాదపూర్వకంగా కలిసి తమ కుమార్తె పెళ్లికి ఆహ్వానించిన సంగతి తెలిసిందే.