Ali -Pawan Kalyan:సినిమా ఇండస్ట్రీలో అప్పటివరకు మిత్రులుగా ఉన్నటువంటి వారు ఒక్కసారిగా శత్రువులుగా మారుతుంటారు. ఇలా ఇండస్ట్రీలో ఎంతో మంచి స్నేహితులుగా ఉన్నటువంటి వారిలో పవన్ కళ్యాణ్ కమెడియన్ అలీ ఒకరు.పవన్ కళ్యాణ్ అలీ మధ్య ఎలాంటి స్నేహబంధం ఉంది అంటే పవన్ ఏదైనా సినిమా చేస్తున్నారంటే తప్పనిసరిగా ఆ సినిమాలో ఆలీ ఉండాల్సిందే. అంతలా వీరిద్దరి మధ్య స్నేహం ఉండేది.
ఇక పవన్ కళ్యాణ్ కేవలం సినిమాలలో మాత్రమే కాకుండా రాజకీయాలలోకి కూడా వచ్చిన సంగతి తెలిసిందే. ఇలా ఈయన రాజకీయాలలో కొనసాగుతున్నప్పటికీ అలీ ఇండస్ట్రీలో ఉంటూనే వీరి మధ్య మంచి స్నేహబంధం కొనసాగింది. ఇకపోతే ఆలీ కూడా జనసేన పార్టీలోకి వస్తారని అందరూ భావించారు.
ఇక ఈయన ఊహించని విధంగా వైసీపీ పార్టీకి మద్దతు తెలపడమే కాకుండా గత ఎన్నికలలో పెద్ద ఎత్తున ప్రచారాలను నిర్వహిస్తూ పవన్ కళ్యాణ్ గురించి సంచలన వ్యాఖ్యలు చేశారు.అయితే ఇదంతా కేవలం రాజకీయాల వరకు మాత్రమేనని వ్యక్తిగతంగా వారిద్దరి మధ్య ఎలాంటి మనస్పర్ధలు లేవని చెప్పుకొచ్చారు. ఇకపోతే తాజాగా అలీ పెద్ద కుమార్తె వివాహం ఎంతో కన్నుల పండుగగా జరిగింది. ఈ కార్యక్రమానికి ఎంతో మంది సినీ రాజకీయ ప్రముఖులు హాజరయ్యారు.
Ali -Pawan Kalyan:పవన్ కళ్యాణ్ కు ఆహ్వానం అందిందా…
తన కుమార్తె వివాహానికి పవన్ కళ్యాణ్ హాజరు కాకపోవడంతో పెద్ద ఎత్తున ఈ విషయంపై చర్చలు మొదలయ్యాయి.అలీ కుమార్తె వివాహానికి పవన్ కళ్యాణ్ రాకపోవడానికి కారణం కేవలం రాజకీయ మనస్పర్ధలే కారణమని కొందరు భావిస్తుండగా మరికొందరు ఈయన రాజకీయాలలో బిజీగా ఉండడం వల్ల రాలేకపోయారు అంటూ చెప్పుకొస్తున్నారు. పవన్ కళ్యాణ్ అలీ కుమార్తె వివాహానికి ఎందుకు రాలేదు అసలు ఆలీ తన కుమార్తె వివాహానికి పవన్ కళ్యాణ్ ఆహ్వానించారా అనే విషయాలు తెలియాల్సిందే.