సాధారణంగా చాలామంది బాదం పప్పు కిస్మిస్ వంటి డ్రైవ్ ఫ్రూట్స్ తినడం వల్ల ఎన్నో పోషకాలు అందుతాయని భావిస్తారు. ఈ క్రమంలోనే చాలామంది వీటిని పచ్చివిగా తినడానికి ఇష్టపడుతుంటారు. మరి కొందరు వీటిని వివిధ రకాల వంటలలో వేసుకొని తినడానికి ఇష్టపడుతుంటారు. ఈ క్రమంలోనే బాదంపప్పును చాలామంది పచ్చిగా తింటూ ఉంటారు.అయితే బాదం పప్పులను నానబెట్టి తీసుకోవడం వల్ల మరిన్ని ఆరోగ్య ప్రయోజనాలను, పోషకాలను పొందవచ్చని నిపుణులు తెలియజేస్తున్నారు.

రాత్రంతా నానబెట్టిన బాదం పప్పును మరుసటి రోజు ఉదయం అల్పాహారానికి ముందుగా తీసుకోవడం వల్ల మనం మెదడు ఎంతో చురుగ్గా పని చేస్తూ, జ్ఞాపకశక్తిని పెంపొందింప చేస్తుంది. నానబెట్టిన బాదం పప్పు అన్ని వయసుల వారికి కూడా జ్ఞాపకశక్తిని పెంచుతుంది. అదేవిధంగా నానబెట్టిన బాదం పప్పు మన శరీరంలో ఎంజైములను ఉత్పత్తి చేసి జీర్ణక్రియను పెంపొందింపజేస్తుంది.

నానబెట్టిన బాదం పప్పులు తినడం వల్ల మన శరీరానికి కావలసినంత ఫైబర్లు, ప్రొటీన్లు, విటమిన్లు మెగ్నీషియం పుష్కలంగా లభిస్తాయి. తద్వారా మన శరీరానికి కావలసినంత రోగ నిరోధక శక్తిని పెంపొందింప చేస్తుంది.మన శరీరంలో చెడు కొలెస్ట్రాల్ ను కరిగించి గుండె జబ్బులను కూడా తగ్గిస్తుంది.నానబెట్టిన బాదం పప్పును విటమిన్-సి అధికంగా ఉండటం వల్ల ఇది చర్మ సౌందర్యాన్ని పెంపొందించడంలో దోహదపడుతుంది. అదేవిధంగా డయాబెటిస్ వంటి సమస్యతో బాధపడేవారికి బాదంపప్పు ఎంతో ప్రయోజనకరం.

చాలామంది నానబెట్టిన బాదం పప్పును పొట్టుతీసి తింటూ ఉంటారు. అయితే ఈ విధంగా పోట్టు తీయడం వల్ల ఎన్నో రకాల పోషక పదార్థాలను మనం వృధా చేసుకున్నట్లే అని నిపుణులు హెచ్చరిస్తున్నారు. బాదంపప్పు పొట్టులో కూడా అధిక మొత్తంలో ఫైబర్లు ఉంటాయి. కనుక పొట్టు తీయకుండా పొట్టుతో సహా తీసుకోవడం వల్లే మన శరీరానికి అదనంగా పోషకాలు అందుతాయని నిపుణులు తెలియజేస్తున్నారు.