పెళ్లి చూపులు సినిమా ద్వారా తెలుగు ఇండస్ట్రీకి పరిచయమై ఆ తర్వాత అర్జున్ రెడ్డి గీతగోవిందం వంటి చిత్రాలతో స్టార్ హీరోగా మారిన రౌడీ బాయ్ విజయ్ దేవరకొండ గురించి ప్రత్యేకంగా చెప్పాల్సిన పనిలేదు. అర్జున్ రెడ్డి సినిమా ద్వారా ఎంతో మంది అమ్మాయిల ఫ్యాన్ ఫాలోయింగ్ సంపాదించుకున్న విజయ్ దేవరకొండ ప్రస్తుతం పాన్ ఇండియా స్థాయి చిత్రాలలో నటిస్తున్నారు.

ప్రస్తుతం ఎంతో మంది అమ్మాయిల ఫ్యాన్ ఫాలోయింగ్ ఉన్న విజయ్ దేవరకొండ అమ్మాయిలందరికి షాకింగ్ న్యూస్ చెప్పారు. ఈ క్రమంలోనే విజయ్ దేవరకొండ మాట్లాడుతూ తన పెళ్లి గురించి పలు ఆసక్తికరమైన విషయాలను వెల్లడించారు. తన ఇంటికి పెద్ద కొడుకుగా ఉన్నటువంటి విజయ్ దేవరకొండ పెళ్లి ఇప్పుడే చేసుకోనని ఈ సందర్భంగా క్లారిటీ ఇచ్చారు.

అయితే ముందుగా తన కంటే తన తమ్ముడు ఆనంద్ దేవరకొండ వివాహం జరుగుతుందని ఎవరు ఊహించని ట్విస్ట్ ఇచ్చారు. ఆనంద్ దేవరకొండ దొరసాని, మిడిల్ క్లాస్ మెలోడీస్ వంటి చిత్రాలతో మంచి గుర్తింపు తెచ్చుకున్నారు. ప్రస్తుతం ఆయన నటిస్తున్న పుష్పకవిమానం చిత్రాన్ని తన అన్న విజయ్ దేవరకొండ నిర్మించడం విశేషం. ఇదిలా ఉండగా తాజాగా వీరిద్దరూ ఓ ఇంటర్వ్యూలో పాల్గొని వారి వ్యక్తిగత విషయాలను గురించి తెలియజేశారు.

ఈ ఇంటర్వ్యూలో ఒకరిపై ఒకరు కంప్లైంట్ చేసుకున్న ఈ బ్రదర్స్ వారి తల్లిదండ్రుల గురించి కూడా ముచ్చటించారు. ఈ క్రమంలోనే వీరి పెళ్లి విషయం ప్రస్తావన రాగా తన పెళ్లి ఇప్పట్లో ఉండదని తన తమ్ముడు పెళ్లి చేసుకున్న తర్వాతనే తాను పెళ్లి చేసుకుంటానని తెలియజేశారు. విజయ్ ప్రస్తుతం పూరీ జగన్నాథ్ దర్శకత్వంలో తెరకెక్కుతున్న లైగర్ అనే పాన్ ఇండియా చిత్రంలో నటిస్తున్నారు.