పలాస ఫేమ్ డైరెక్టర్ కరుణ కుమార్ దర్శకత్వంలో సుధీర్ బాబు, ఆనంది జంటగా తెరకెక్కిన చిత్రం “శ్రీదేవి సోడా సెంటర్”. ఈ సినిమా గత శుక్రవారం థియేటర్లలో విడుదలై పాజిటివ్ టాక్ ను సంపాదించుకుంది. ఈ సినిమా చూసిన పలువురు సినీ ప్రముఖులు ఈ సినిమాపై ప్రశంసలు కురిపించారు. ఈ సినిమాను థియేటర్లలో విడుదల చేయటం వల్ల పెద్ద ఎత్తున ప్రమోషన్స్ నిర్వహించారు. అదేవిధంగా ప్రీ రిలీజ్ ఈవెంట్ ని కూడా ఎంత వేడుకగా నిర్వహించారు.
సాధారణంగా ఏ సినిమా అయినా విడుదల అవుతుందంటే ఆ సినిమాలోని హీరో హీరోయిన్లు సినిమా ప్రమోషన్లలో పెద్దఎత్తున పాల్గొంటారు. కానీ శ్రీదేవి సోడా సెంటర్ సినిమా హీరోయిన్ మాత్రం ఎక్కడ ప్రమోషన్లలో కనిపించకపోవడంతో శ్రీదేవి హీరోయిన్ ఎక్కడ అంటూ పలువురు సందేహాలను వ్యక్తం చేస్తున్నారు.
ఈ క్రమంలోనే ఈ సినిమాలో నటించినటువంటి ఆనంది సినిమా ప్రమోషన్లలో పాల్గొనక పోవడానికి కారణం ఉంది. ఈ సినిమా షూటింగ్ పూర్తయిన తర్వాత చిత్ర బృందంతో ఏమాత్రం సంబంధం లేకుండా, సినిమా ప్రమోషన్స్ లో పాల్గొన పోవడానికి గల కారణం ఏమిటంటే.. రీసెంట్ గా పెళ్లి చేసుకున్న ఈ హీరోయిన్ తల్లి కాబోతోంది. అందుకే సినిమా షూటింగ్ తర్వాత ఎవరికి కనిపించలేదని, ఈ విషయం తెలిసి చిత్రబృందం కూడా సైలెంట్ అయ్యారని, అందుకే ఈమె ప్రమోషన్స్లో కనిపించలేదని తెలియజేశారు.
ఇక సినిమా విషయానికి వస్తే సూరి బాబు పాత్రలో ఒక గ్రామీణ యువకుడి గా సుధీర్ బాబు కనిపించగా, సోడాల శ్రీదేవిగా ఆనంద్ కనిపించి సందడి చేశారు. ఎమోషనల్ లవ్ డ్రామాగా తెరకెక్కిన ఈ చిత్రం అన్ని రకాల ప్రేక్షకులను భాగం ఆకట్టుకుంటుంది.ఈ సినిమా విడుదలైన తర్వాత మహేష్ బాబు సినిమాపై ప్రశంసలు కు కురిపించారు.