సినీ పరిశ్రమలో కాస్తంత స్టార్ డమ్ వచ్చిందంటే చాలు.. వాళ్లు ఇక సెలెబ్రిటీ హోదా వచ్చేసినట్లే. అది ఒక్క సినిమాతోనే రావచ్చు.. లేదా మరికొన్ని సినిమాలతో రావచ్చు. కానీ ఎప్పటికైనా సెలెబ్రిటీ హోదా వస్తుంది. అయితే ఇలా వచ్చిన వారు.. ఇక వారి జీవన విధానంలో ఏం చేసినా సోషల్ మీడియాలో తెగ వైరల్ అవుతుంటాయి .

ప్రస్తుతం రన్ అవుతోన్న బిగ్ బాస్ రియాల్టీ షో 4 సీజన్లను పూర్తి చేసుకుంది. ఇందులో నుంచి వచ్చిన వారుకూడా సెలెబ్రిటీ హోదా పొందిన వారు చాలామంది ఉన్నారు. అందులో ముఖ్యంగా చెప్పుకునేది హరితేజ గురించి. మొదట ఆమె బిగ్ బాస్ లోకి రాకముందే.. యాంకర్ గా, నటిగా, హరికథలు పేరుతో యూట్యూబ్ చానల్ లో కూడా చేసింది.

అందులో ఎన్నో వీడియోలను పోస్టు చేశారు.. ప్రస్తుతం చేస్తున్నారు కూడా. అయితే ఆమె హోమ్ టూర్ పేరుతో మరో వీడియోను తన యూట్యూబ్ చానల్ లో పోస్టు చేశారు. ఈ క్రమంలో ఆమె కొన్ని విషయాలను పంచుకున్నారు. ఇటీవల ఆలీ భార్యతో పాటు పలువురు సెలబ్రిటీలు ఇలాంటి వీడియోలు పోస్ట్‌ చేసిన విషయం తెలిసిందే. ఆమె చూపించిన ఆ వీడియోలో తాను ఎంతో ఇష్టపడి చేయించుకున్న ఇంటిరీయర్‌ డిజైన్స్‌తో కూడిన గదిని చూపించారు.

తన పాప కోసం ఇంట్లో ఏర్పాటు చేసిన ఊయలను చూపించారు. అది ఎంతగానో ఆకట్టుకుంది. అంతేకాకుండా ఆమె చిన్ననాటి నుంచి డ్యాన్స్ కు సంబంధించిన విషయాలను పేపర్లో ప్రచురించారు. ఆ క్లిప్ లను ఆమె ఆ వీడియోలో చూపిస్తూ అభిమానులతో పంచుకున్నారు. ఆమెకు ఎక్కువగా ఇష్టపడే రూం వంటగది అంటూ చెప్పుకొచ్చారు.