సాధారణంగా ఏదైనా ఒక ఇన్సిడెంట్ జరిగితే ఆ ఇన్సిడెంట్ పై మీడియా ఫోకస్ పెట్టడం సర్వసాధారణం. ముఖ్యంగా రాజకీయ నాయకులు, సినిమా సెలబ్రిటీల విషయాలలో మీడియా మరింత ఫోకస్ చేస్తోంది. ఈ క్రమంలోనే గత నెల సాయి ధరమ్ తేజ్ రోడ్డు ప్రమాదానికి గురైనప్పటి నుంచి ప్రస్తుతం మా ఎలక్షన్స్ వరకు ప్రతి ఒక్క చిన్న విషయంలోనూ మీడియా ఎక్కువ ఆత్రుతను కనబర్చిందని చెప్పవచ్చు.

ఇక సాయిధరమ్ తేజ్ ఆక్సిడెంట్ విషయంలో టీవీ9 రిపోర్టర్ ఏకంగా డైరెక్టర్ హరీష్ శంకర్ తో గొడవ పడిన సంగతి అప్పట్లో చర్చనీయాంశంగా మారింది. ఇకపోతే రిపబ్లిక్ సినిమా రిలీజ్ వేడుకలో పవన్ వ్యాఖ్యలను కూడా హైలైట్ చేసింది.ఈ క్రమంలోనే పవన్ కళ్యాణ్ కూడా టీవీ9 ఎంతో ఆగ్రహం వ్యక్తం చేశారు. ఇదిలా ఉండగా తాజాగా అక్టోబర్ 10వ తేదీన జరిగిన ఎన్నికలలో ఓటు వేయడానికి వచ్చిన మెగాస్టార్ చిరంజీవిని మీడియా చుట్టుముట్టింది.

ఈ క్రమంలోనే మెగాస్టార్ చిరంజీవి టీవీ9 ఉద్దేశిస్తూ.. మీకు ఇప్పుడు మంచి మ్యాటర్ దొరికింది కదా అని వెటకారంగా మాట్లాడారు. ఎప్పుడు మీడియా పై నోరుజారిన మెగాస్టార్ చిరంజీవి టీవీ9 పై ఇలా మాట్లాడారు అంటే సాయి ధరమ్ తేజ్ విషయంలో మీడియా చేసిన పనికి మెగా కుటుంబం చాలా ఫీల్ అయ్యారని తెలుస్తోంది.

ఇదిలా ఉండగా నిన్న ఎలక్షన్ కౌంటింగ్ జరుగుతున్న సమయంలో నటి హేమ శివబాలాజీని కొరికిన సంఘటన వైరల్ అయింది.ఈ సంఘటనను కూడా టీవీ9 ఎక్స్క్లూజివ్ వీడియో విడుదల చేయడం గమనార్హం. ఇక మా ఎన్నికలు కూడా అయిపోవడంతో ఓడిపోయిన క్యాండిడేట్ లతో డిబేట్ లు పెట్టి ఈ విషయాన్ని మరింత పెద్దది చేసి జనాలను ఎంటర్టైన్ చేయడానికి మీడియా సిద్ధమైనట్టు తెలుస్తోంది.