Sravana Bhargavi: శ్రీ వెంకటేశ్వర స్వామి వారికి ఎంతో భక్తితో అన్నమయ్య వంశీకులు పాడిన కీర్తనల గురించి మనకు తెలిసిందే. ఈ క్రమంలోనే అన్నమయ్య కీర్తనలను ఎన్నో సినిమాలలో పాటలుగా చిత్రీకరించారు. అయితే అన్నమయ్య కీర్తనలలో ఒకటైన ఒక పరి ఒక పరి అని కీర్తనను నటి శ్రావణ భార్గవి పాడటమే కాకుండా ఈ పాటలో ఆమె నటించడం పెద్ద ఎత్తున వివాదాలకు కారణం అయ్యింది.

ఈ పాటను పాడుతూ ఇందులో ఆమె పడుకొని పుస్తకాలు చదవడం లడ్డూలు జంతికలు తినడం అలాగే తన కాళ్లు ఊపుతూ ఎంతో శృంగార భరితంగా నటించింది అంటూ పెద్ద ఎత్తున తనపై విమర్శలు వచ్చాయి.ఈ క్రమంలోనే ఈ వీడియో వైరల్ చేస్తూ టీటీడీ దృష్టికి తీసుకెళ్లి వెంటనే తనపై చర్యలు తీసుకోవాలని అన్నమయ్య వంశస్థులు ఈ వీడియో పై స్పందించారు.

ఈ క్రమంలోనే అన్నమయ్య వంశీకులు ఈ పాటను శ్రావణ భార్గవి డిలీట్ చేయాలని కోరగా ఆమె ఈ పాటలో ఏ విధమైనటువంటి తప్పు చేయలేదని అందుకే తాను డిలీట్ చేయనని తెలిపారు.ఈ క్రమంలోనే అన్నమయ్య వంశస్థులు ఈ విషయాన్ని ఎంతో సీరియస్ గా తీసుకోవడమే కాకుండా,శ్రీవారి పై భక్తితో రాసిన ఈ అన్నమయ్య కీర్తనలను పలు సినిమాలలో కూడా చిత్రీకరించారు. ఈ క్రమంలోనే ఆ సినిమాలపై కూడా అన్నమయ్య వంశస్థులు చర్యలు తీసుకోవడానికి సిద్ధమైనట్లు తెలుస్తోంది.

ఈ క్రమంలోనే పలు సినిమాలలో అన్నమయ్య కీర్తనలతో పాటు, శ్రావణ భార్గవి చేసిన ఈ వీడియో పై కూడా అన్నమయ్య వంశస్థులు లీగల్ గా చర్యలు తీసుకోవడానికి సిద్ధమయ్యారు. ఈ క్రమంలోనే టీటీడీ అధికారులతో సమావేశమై ఈ విషయం గురించి అన్నమయ్య వంశస్థులు చర్చలు జరుపనున్నట్లు సమాచారం. మరి ఈ వివాదం ఎలాంటి పరిణామాలకు దారితీస్తుందోనని అందరూ ఆసక్తిగా ఎదురుచూస్తున్నారు.అయితే శ్రావణ భార్గవి మాత్రం తాను ఎలాంటి తప్పు చేయలేదని అలాంటప్పుడు ఆ వీడియోని ఎందుకు డిలీట్ చేయాలి అంటూ ఆమె మొండి పట్టు పట్టారు.