అలనాటి అగ్ర హీరోల నుంచి నేటి యువ హీరోల వరకు ఎన్నో విభిన్నమైన పాత్రలో నటిస్తూ ప్రేక్షకాదరణ సంపాదించుకున్న నటీమణులలో అన్నపూర్ణమ్మ ఒకరు. అన్నపూర్ణమ్మ తన సినీ ప్రస్థానంలో పలు భాషలలో ఎన్నో సినిమాలలో నటించి ఎంతో మంచి గుర్తింపును సంపాదించుకున్నారు. ఇండస్ట్రీలో ఎంతో అనుభవం ఉన్న అన్నపూర్ణమ్మ ఓ ఇంటర్వ్యూ సందర్భంగా తన చిన్నప్పటి జీవితంలో జరిగిన ఓ సన్నివేశాన్ని గుర్తు చేసుకున్నారు.
ఎన్నో సినిమాలలో ఎంతో అద్భుతంగా నటించి మెప్పించిన అన్నపూర్ణమ్మను చిన్నప్పుడు తన తల్లి ఎదురుగానే ఓ చెట్టుకు కట్టేసి కొట్టారనే ఆసక్తికరమైన విషయాలను ఈ ఇంటర్వ్యూ సందర్భంగా వెల్లడించారు. అసలు ఆమెను చెట్టుకు కట్టేసి కొట్టేంత తప్పు ఏం చేసింది.? అలా కొట్టడానికి గల కారణం ఏమిటనే విషయాలను ఈ ఇంటర్వ్యూ సందర్భంగా వెల్లడించారు.
అన్నపూర్ణమ్మ చదువుకునే రోజుల్లో తెనాలిలో తన ఇంటి పక్కన ఓ మాస్టర్ దగ్గరికి హిందీ నేర్చుకోవడానికి ట్యూషన్ కి వెళ్ళేది. ఆ సమయంలో తన పక్కింటిలో తన స్నేహితురాలి అక్క మాస్టర్ ను ప్రేమించింది. ఈ క్రమంలోనే ప్రతిరోజు ఆమె ఒక ఉత్తరం మాస్టర్ కి ఇవ్వమని చెబుతుండేది.అయితే ఆ ఉత్తరం ఏంటో తెలియని వయసులో అన్నపూర్ణమ్మ ఆ లెటర్ తీసుకువెళ్లి మాస్టర్ చేతికి ఇచ్చేది.
ఈ విధంగా ఒకరోజు ఉత్తరం తీసుకువెళ్తున్న సమయంలో తన స్నేహితురాలు తల్లిదండ్రులు చూసి ఆమె చేతిలో ఉన్న ఉత్తరం లాక్కున్నారు.ఆ విషయం గ్రహించిన మాస్టర్ అక్కడినుంచి పారిపోగా ఆ ఉత్తరంలో వారిద్దరూ ప్రేమించుకున్నట్టు ఇంటి నుంచి వెళ్లిపోయి పెళ్లి చేసుకోవాలని నిర్ణయించుకున్నట్లు రాసి ఉంది. ఈ విషయం తెలిసిన స్నేహితురాలు తల్లిదండ్రులు అన్నపూర్ణమ్మ తల్లికి ఈ విషయం చెప్పడంతో తల్లి బాగా ఉతకమని ఇంకోసారి ఇలాంటి వెధవ పనులు చేయకుండా ఉంటుందని చెప్పారు.
ఈ క్రమంలోనే తన స్నేహితురాలి తల్లిదండ్రులు అన్నపూర్ణను చెట్టుకు కట్టేసి తన తల్లి ఎదురుగా కొట్టారని అయితే ఆ సమయంలో నాకు ఒక అవగాహన వచ్చిందని ఇకపై ఎవరి విషయంలోనూ ఇక్కడి విషయాలు అక్కడ అక్కడ విషయాలు ఇక్కడ చెప్పకూడదనే విషయాన్ని గ్రహించానని ఈ ఇంటర్వ్యూ సందర్భంగా తన జీవితంలో జరిగిన ఈ సంఘటన గురించి అన్నపూర్ణమ్మ తెలియజేశారు.