ఎన్నో అంచనాలపై వచ్చిన ‘సార్పట్ట’ సినిమా ప్రేక్షకులను అలరిస్తోంది. అంచనాలకు దగ్గట్టూ రానిస్తోంది. విమర్శకులు సైతం ప్రశంసలు జల్లు కురిపిస్తున్నారు. ఓటీటీ వేదికగా రిలీజైన ఈ సినిమా సూపర్ హిట్ టాక్‌తో దూసుకుపోతుంది. అయితే ఈ సినిమాతో మంచి పేరు తెచ్చుకున్న ఆర్య.. అతడి భార్య సాయేషా సైగల్ పండంటి ఆడపిల్లకు జన్మనిచ్చింది.

దీంతో ఆ ఇంట రెండు పండగలు ఒక్కసారే వచ్చినట్లు అయింది. ఇటు సినిమా హిట్ టాక్ తెచ్చుకొని మంచి సంతోషంలో ఉండగా.. ఇలా అమ్మాయి పుట్టడంతో కుటుంబం మొత్తం ఫుల్ ఖుషీగా ఉన్నారు. ఇదిలా ఉండగా ఆర్యపై జర్మనీకి చెందిన తనను పెళ్లి చేసుకుంటానని నమ్మించి.. మోసం చేశాడని..అంతే కాకుండా తన వద్ద రూ.70 లక్షల వరకు వసూలు చేశాడని జర్మనీకి చెందిన విజ్డా ఆన్​లైన్​లో కంప్లైంట్ చేసింది.

వాళ్లిద్దరు ఒకరినొకరు చేసుకున్న వాట్సాప్ చాట్ ను కూడా చూపించింది. ఆర్య తర్వాతి సినిమాలు విడుదల కాకుండా బ్యాన్ విధించాలని ఆమె కోరింది. ఈ కేసుపై గురువారం విచారణ జరిగింది. మరిన్ని ఆధారాలు సేకరించాలని జడ్జి.. పోలీసులను కోరారు. ఆగస్టు 17కు విచారణను వాయిదా వేశారు. అయితే ఈ విషయమై ఆర్య, అతడి టీమ్​ నుంచి ఎలాంటి స్పందన లేదు.

అతడు సాయేషా లవ్ చేసింది ఎప్పుడంటే.. నాని ‘భలే భలే మగాడివోయ్’కు తమిళ రీమేక్​ ‘గజినికాంత్’ సినిమా షూటింగ్​లో కలుసుకున్నారు. అప్పటి నుంచే వారి మధ్య లవ్ పుట్టుకొచ్చింది. తర్వాత వీళ్లిద్దరు కలిసి 2019 మార్చి 10న పెళ్లి చేసుకున్నారు. ఆర్య వివాహ అనంతరం ‘టెడ్డీ’ సినిమా, కన్నడలో ‘యువరత్న’ సినిమా చేశారు. సాయేషా గర్భం దాల్చిన విషయం ఆమె ప్రసవించిన తర్వాత హీరో విశాల్ చెప్పే వరకు ఎవరకీ తెలియదు.