టాలీవుడ్ లేడీ సూపర్ స్టార్ గా పేరు సంపాదించుకున్న అనుష్క శెట్టి గురించి ప్రత్యేకంగా చెప్పాల్సిన పనిలేదు. సూపర్ సినిమా ద్వారా ఇండస్ట్రీకి పరిచయమైన ఈమె ఆ తర్వాత అరుంధతి, భాగమతి వంటి లేడి ఓరియెంటెడ్ చిత్రాలు ద్వారా మెప్పించింది. ఇక రాజమౌళి దర్శకత్వంలో తెరకెక్కుతున్న బాహుబలి ద్వారా ఎంతో మంచి గుర్తింపు సంపాదించుకున్నారు.

ఇండస్ట్రీలో ప్రభాస్ తో కలిసి ఎన్నో సినిమాల్లో నటించిన ఈమె వీరిద్దరి మధ్య లవ్ ట్రాక్ ఉందంటూ పెద్ద ఎత్తున వార్తలు వచ్చాయి. అయితే ఈ వార్తలను ఖండిస్తూ వీరిద్దరూ మా ఇద్దరి మధ్య కేవలం స్నేహం మాత్రమే ఉందని చెప్పడంతో ఆ వార్తలకు పుల్ స్టాప్ పడినప్పటికీ వీరిద్దరూ నిజ జీవితంలో ఒకటి అయితే బాగుంటుందని ఎంతోమంది అభిమానులు ఆశపడ్డారు.

అనుష్క నటించిన నిశ్శబ్దం సినిమా తర్వాత ఈమె ఎలాంటి సినిమాలు చేపట్టకపోవడంతో ఈమె పెళ్లి చేసుకోబోతునట్లు సోషల్ మీడియాలో పెద్ద ఎత్తున వార్తలు వినిపించాయి. తాజాగా ఓ జ్యోతిష్కుడు అనుష్క పెళ్లి గురించి సంచలన వ్యాఖ్యలు చేశారు. ఈ క్రమంలోనే జ్యోతిష్కుడు మాట్లాడుతూ అనుష్క పెళ్లి సినిమా ఇండస్ట్రీలో ఉన్న వారితో జరగదని తెలియజేశాడు.

అనుష్క ముఖకవళికలను చూస్తే ఆమె ఇండస్ట్రీకి చెందిన వారిని పెళ్లి చేసుకోదని ప్రముఖ జ్యోతిష్కుడు పండిట్ జగన్నాథ్ గురూజీ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. అనుష్క పెళ్లి ఈ ఏడాది కాకుండా 2023లో జరుగుతుందని జ్యోతిష్య పండితులు జగన్నాథ్ గురూజీ తెలియజేశారు. మరి ఇతని జ్యోతిష్యం ఎంతవరకు నిజం అవుతుందో వేచి చూడాలి.