నందమూరి నటసింహం బాలకృష్ణ కేర్ ఆస్పత్రిలో అడ్మిట్ అయ్యారు. ఇలా బాలకృష్ణ ఉన్నఫలంగా కేర్ ఆస్పత్రిలో అడ్మిట్ కావడంతో అభిమానులు పెద్ద ఎత్తున ఆందోళన వ్యక్తం చేస్తున్నారు. తమ అభిమాన నటుడికి ఏం జరిగింది అంటూ ఆరా తీస్తున్నారు. ఈ క్రమంలోనే నందమూరి బాలకృష్ణకి చిన్న సర్జరీ జరిగిందని వైద్యులు వెల్లడించారు.

బాలకృష్ణకు కుడిభుజం తీవ్రమైన నొప్పి రావడంతో ఆయన కేర్ ఆసుపత్రికి వెళ్లినట్లు తెలుస్తోంది. ఈ క్రమంలోనే వైద్యులు ఆయన కుడి భుజానికి చిన్న సర్జరీ నిర్వహించినట్లు తెలుస్తోంది. ఆయన సర్జరీ సక్సెస్ అయిందని ప్రస్తుతం ఆయన ఆరోగ్య పరిస్థితి నిలకడగా ఉందని ఎవరూ ఆందోళన చెందాల్సిన పని లేదని వైద్యులు తెలియజేశారు.

ప్రస్తుతం బాలకృష్ణ కేర్ ఆస్పత్రిలోనే వైద్యుల పర్యవేక్షణలో ఉన్నారని త్వరలోనే ఆయనని డిశ్చార్జ్ చేస్తామని వైద్యులు ప్రకటించడంతో అభిమానులు కాస్త ఊపిరి పీల్చుకున్నారు. ఏదిఏమైనా ఈ మధ్యకాలంలో హీరోలు వరుసగా ఆసుపత్రి పాలవడం అభిమానులను తీవ్ర ఆందోళనకు గురి చేస్తుంది. మొన్నటికి మొన్న చిరంజీవి మణికట్టుకు సర్జరీ చేయగా నేడు బాలకృష్ణ కుడి భుజానికి సర్జరీ చేశారు. ఇలా వరుసగా హీరోలందరూ ఆసుపత్రి పాలవడంతో అభిమానులు కాస్త ఆందోళన చెందుతున్నారు.

గత రెండు రోజుల క్రితం కన్నడ పునీత్ మరణ వార్తను తెలుసుకున్న బాలయ్య బెంగుళూరుకి వెళ్లి ఆయనను చూసిన బాలకృష్ణ ఎంతో ఎమోషనల్ అవుతూ కంటతడి పెట్టుకున్నారు.ఈలోగా బాలకృష్ణ ఆస్పత్రి పాలవడంతో అభిమానులు ఎంతో ఆందోళన వ్యక్తం చేశారు. అయితే ప్రస్తుతం బాలకృష్ణ ఆరోగ్య పరిస్థితి నిలకడగా ఉందని తెలియడంతో అభిమానులు కాస్త ఊపిరి పీల్చుకున్నారు.