అరటిపండు ఉపయోగాల గురించి కొత్తగా చెప్పాల్సిన అవసరం లేదు. అరటిపండు మానవ శరీరానికి చేసే మేలు ఇంకే పండు చేయలేదు. కేవలం అరటిపండు మాత్రమే కాదు దాని తొక్క వలన కూడా చాలా ఉపయోగాలు ఉన్నాయని చాలా మందికి తెలియదు. ఓ సినిమాలో మెగస్టార్ చిరంజీవి డైలాగ్ చెబుతారు..
అందేంటంటే.. ‘వీర శంకర్ రెడ్డి.. మొక్కే కదా అని పీకేస్తే.. పీక కోస్తా..’ అని.. అలాగే ఇక్కడ కూడా తొక్కే కదా అని బయట పడేస్తే.. నష్టపోవడం తప్పదు. అవును.. మీరు విన్నది నిజమే.. అరటి తొక్కలో కూడా ఎన్నో పోషకాలు ఉన్నాయి. అవేంటంటే.. అరటి తొక్కతో ప్రతి రోజూ ఒక నిమిషం పాటు పళ్లను రుద్దుకుంటూ ఇలా వారం రోజుల పాటు ఇలా చేస్తే పళ్లు మిలమిలా మెరుస్తాయి.
ముఖంపై మొటిమలు ఎక్కువగా ఉంటే.. ఆ ప్రదేశంలో తొక్కను పేస్ట్ గా చేసి మర్దన చేయాలి. వారం పాటు ఇలా చేశారంటే మొటిమల సమస్య తగ్గుతుంది. అరటి తొక్క పులిపిర్లను(పులిపెర) తొలగించడంలో సహాయపడుతుంది మరియు కొత్తవి రాకుండా చేస్తుంది. దీనికోసం, పులిపిర్లు ఉన్న ప్రాంతాన్ని అరటితొక్కతో రుద్దండి లేదా ఆ ప్రాంతం మీద రాత్రంతా అరటితొక్కను కట్టండి. తర్వాత కొంత కాలానికి మనకు ఏమాత్రం ఇబ్బంది కలగకుండా ఊడిపోతాయట.
సోరియాసిస్ తో ఉన్న ప్రాంతం అంతటా అరటితొక్కతో రాయండి. అరటి తొక్క మాయిశ్చరైజేషన్ గుణాలను కలిగి ఉన్నది మరియు దురదను కూడా తగ్గిస్తుంది. ఇది త్వరగా సోరియాసిస్ ను నయం చేస్తుంది . దురద మరియు నొప్పి నుండి తక్షణ ఉపశమనం పొందేందుకు దోమలకాటు ఉన్న చర్మము మీద అరటితొక్కతో మసాజ్ చేయండి. ఎంతో ఉపశమనం పొందుతారు. ఇంకా అరటి తొక్కలను షూ పాలిష్‌గా కూడా వాడవచ్చు. అరటి తొక్క హానికరమైన యూవీ కిరణాలు నుండి కళ్ళను రక్షించడంలో సహాయపడుతుందని నిపుణులు చెబుతుంటారు.
కాలంతో సంబంధం లేకుండా అన్ని కాలాలలో లభించే పండ్లలో అరటి పండు ఒకటి. అరటి పండులో ఎన్నో పోషక విలువలు దాగి ఉన్నాయనే సంగతి మనకు తెలిసిందే. అరటిపండుని చిన్న పిల్లల నుంచి పెద్దవారి వరకు ప్రతిరోజూ ఒకటి తినడం వల్ల ఎన్నో పోషక విలువలు శరీరానికి అందడమే కాకుండా మనం తీసుకున్న ఆహారం తేలికగా జీర్ణం అవ్వడానికి దోహదపడుతుంది. అయితే చాలామంది అరటి పండును మాత్రమే తిని తొక్కను పక్కన పెట్టేస్తుంటారు.
నిజానికి అరటిపండులో కన్నా తొక్కలో ఎన్నో పోషక విలువలు దాగి ఉంటాయి.ఎన్నో పోషక విలువలు కలిగిన అరటిపండు కేవలం ఆరోగ్యానికి మాత్రమే కాకుండా అందాన్ని కూడా రెట్టింపు చేస్తుంది. ముఖ్యంగా మనలో చాలామంది పులిపిరి సమస్యలతో ఎంతో బాధపడుతుంటారు. అయితే వీటిని తొలగించే క్రమంలో నొప్పి కలగడం వల్ల చాలామంది వీటిని వదిలేస్తుంటారు.
పులిపిరి మొహంపై లేదా ముక్కు పై ఉంటే చూడటానికి ఎంతో అసభ్యంగా ఉంటుంది. కనుక ఈ విధమైన సమస్యతో బాధపడేవారికి అరటిపండు తొక్క ఎంతో ప్రయోజనకరంగా ఉంటుందని చెప్పవచ్చు. ఈ విధంగా పులిపిరి సమస్యతో బాధపడేవారు అరటిపండు తొక్క ని తీసుకొని పులిపిరి పై ఉంచి బాండేజ్ వేయాలి.ఈ విధంగా ప్రతి రోజూ చేయడం వల్ల మన మొహం పై ఉన్న పులిపిరి వాటంతట అవే తగ్గిపోతాయి.
అరటిపండు తొక్కలలో ఎక్కువ భాగం యాంటీఆక్సిడెంట్స్ కలిగి ఉండటం వల్ల అవి మన శరీరానికి ఎంతో ప్రయోజనకరంగా ఉంటాయి. మన చర్మం పై ఏర్పడిన మచ్చలు, ముడతలను తొలగించడంలో యాంటీ ఆక్సిడెంట్లు కీలకపాత్ర వహిస్తాయి. అరటి తొక్క లోపలి భాగంతో ప్రతి రోజూ ఒక అరగంట పాటు మొహంపై మసాజ్ చేసుకుని, మొహాన్ని శుభ్రం చేసుకోవడం వల్ల అందమైన చర్మాన్ని మీ సొంతం చేసుకోవచ్చు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
