Jabardasth Faima: బుల్లితెరపై ప్రసారమవుతున్న జబర్దస్త్ కార్యక్రమం ద్వారా ఎంతో మంది అవకాశాలను అందుకోని ప్రస్తుతం ఇండస్ట్రీలో ఎంతో మంచి స్థాయిలో ఉన్నారు. ఈ విధంగా జబర్దస్త్ ద్వారా పేరు సంపాదించుకున్న కొందరు కమెడియన్స్ ప్రస్తుతం వెండితెర అవకాశాలను అందుకుని జబర్దస్త్ కార్యక్రమానికి కూడా దూరమయ్యారు. ఈ విధంగా జబర్దస్త్ ద్వారా గుర్తింపు సంపాదించుకున్న వారిలో కమెడియన్ ఫైమా ఒకరు.

బుల్లెట్ భాస్కర్ టీమ్ లో ఈమె చేసే కామెడీకి విపరీతమైన అభిమానులు ఉన్నారు. బుల్లెట్ భాస్కర్ టీమ్ ద్వారం విపరీతమైన క్రేజ్ సంపాదించుకున్న ఫైమా తాజాగా ఒక ఇంటర్వ్యూలో పాల్గొని పలు ఆసక్తికరమైన విషయాలను వెల్లడించారు. ఈ సందర్భంగా ఆమె మాట్లాడుతూ మాది చాలా నిరుపేద కుటుంబం అని ఒకప్పుడు మా ఇంట్లో టీవీ కూడా ఉండేది కాదని తెలిపారు.

కాలేజీ చదువుతున్న రోజులలో ఒక రోజు మా సార్ కాలేజీ ట్రిప్ అని చెప్పి పటాస్ కార్యక్రమానికి తీసుకువెళ్లారు. ఆ విధంగా పటాస్ కార్యక్రమానికి వచ్చాను.అక్కడ నేను మాట్లాడే యాస, భాష డైరెక్టర్లకు నచ్చడంతో వాళ్లు నాకు ఆఫర్ ఇచ్చారు. అయితే ఇంట్లో వాళ్లకు ఈ విషయం చెబితే వాళ్ళు ఒప్పుకోలేదు.దీంతో నేను పటాస్ కార్యక్రమానికి వెళ్లకపోతే చచ్చిపోతా అని బ్లాక్ మెయిల్ చేసి ఈ కార్యక్రమానికి వచ్చాను.

నాతో ఫోటోలు దిగడం కోసం వస్తున్నారు….

పటాస్ షో ద్వారా ఇండస్ట్రీలోకి అడుగుపెట్టిన తనకు జబర్దస్త్ కార్యక్రమం ఎంతో మంచి గుర్తింపు తీసుకువచ్చింది. బుల్లెట్ భాస్కర్ అన్న తనకి ప్రతి ఒక్క విషయం ఎంతో వివరంగా చెబుతూ తనని ఎంతగానో ప్రోత్సహించారని ఆమె తెలియజేశారు. అయితే తన ఊర్లోకి ఎవరైనా సెలబ్రిటీలు వస్తే వారితో ఫోటో దిగడం కోసం పరుగులు పెడుతూ వెళ్ళేదాన్ని. ఇప్పుడు నేను ఊర్లోకి వెళ్తే నాతో ఫోటోలు దిగడం కోసం అందరూ వస్తున్నారు. ఈ విధంగా నాతో ఫోటోలు కోసం అందరూ రావడం చూస్తుంటే చాలా సంతోషంగా ఉంది అంటూ ఫైమా వెల్లడించారు.