Megastar-Keerthi Suresh: మెగాస్టార్ చిరంజీవి వరసపెట్టి సినిమాలు చేస్తున్నారు. ప్రస్తుతం కొరటాల శివ డైరెక్షన్ లో ఆచార్య మూవీ చేస్తున్నారు. చిరంజీవికి జతగా కాజల్ అగర్వాల్ నటిస్తోంది. మరో ముఖ్య పాత్రలో రామ్ చరణ్ తేజ్ నటిస్తున్నారు. రామ్ చరన్ కు జోడీగా పూజా హెగ్డే కనిపించనుంది. ఇప్పటికే ఈ సినిమాపై భారీ అంచనాలు నెలకొన్నాయి.

దీంతో పాటు మళయాళంలో మోహన్ లాల్ చేసిన ’లూసిఫర్‘ మూవీని గాడ్ ఫాదర్ గా రిమేక్ చేస్తున్నారు. మరోవైపు మెహర్ రమేష్ డైరెక్షన్ లో ’బోళాశంకర్‘ సినిమా చేస్తున్నారు. మరో రెండు ప్రాజెక్ట్ లను కూడా ప్రకటించారు చిరు. అయితే కుర్రహీరోలకు పోటీగా మెగాస్టార్ వరసగా సినిమాలు చేస్తుండటం అందరిని ఆశ్చర్యపరుస్తోంది. 

తాజాగా బోళాశంకర్ మూవీలో చిరంజీవి చెల్లెలుగా ముద్దగుమ్మ కీర్తి సురేష్ నటిస్తోంది. ఇప్పటికే మహానటితో తెలుగు ప్రేక్షకుల మదిని దోచుకుంది ఈ ముద్దుగుమ్మ. ఈ సినిమాలో ఏకంగా చిరంజీవికి చెల్లెలు గా నటిస్తోంది.

చిరంజీవికి చెల్లిలుగా.. నాగ శౌర్యకు భార్యగా కీర్తి సురేష్..

తమిళంలో ఓవైపు సినిమాలు చేస్తూనే మరోవైపు స్టార్ హీరోలకు చెల్లిలి పాత్రల్లో కనిపిస్తోంది. సూపర్ స్టార్ అన్నాత్తే.. తెలుగులో పెద్దన్న సినిమాలో రజినికాంత్ కు చెల్లిలిగా కనిపించింది. ప్రస్తుతం మెగాస్టార్ చిరంజీవికి చెల్లిలిగా బోళా శంకర్ లో కనిపించనుంది. బోళా శంకర్ మూవీ కూడా రిమేక్ చిత్రమే. తమిళంలో అజిత్ చేసిన వేదాళంకు రిమేక్. అయితే ఈసినిమా నుంచి ఓ కొత్త అప్డెట్ వచ్చింది. ఈ సినిమాలో కీర్తి సురేష్ కు భర్తగా యంగ్ హీరో నాగశౌర్య నటిస్తున్నట్లు తెలుస్తోంది. అయితే ఈవిషయంపై చిత్ర యూనిట్ నుంచి మరింత క్లారిటీ రావాల్సి ఉంది.