RameshBabu Death: సూపర్ స్టార్ మహేష్ బాబు అన్నయ్య.. నటుడు-నిర్మాత ఘట్టమనేని రమేష్ బాబు జనవరి 8 శనివారం కన్నుమూశారు. రమేష్ బాబు చాలా కాలంగా కాలేయ సమస్యలతో బాధపడుతున్నారు. చివరకు 56 ఏళ్ల వయస్సులో ఆసుపత్రిలో చికిత్స పొందుతూ కన్నుమూశాడు. ఈ విషయాన్ని నిన్న ట్విట్టర్ వేదికగా ఘట్టమనేని ఫ్యామిలీ తెలియజేసింది.
మా ప్రియమైన రమేష్‌బాబు గారు మరణించారని మేము చాలా బాధతో తెలియజేస్తున్నాము. ఆయన మన హృదయాల్లో ఎప్పటికీ జీవించి ఉంటాడు. మా మద్దతుదారులందరినీ కోవిడ్ ప్రమాణాలకు కట్టుబడి ఉండాలని .. దహన సంస్కారాలు జరిగే ప్రదేశంలో గుమికూడకుండా ఉండాలని మేము కోరుతున్నాము అంటూ ట్వీట్ చేశారు.
అయితే ఇక్కడ బాధకరమైన విషయం ఏంటంటే.. ఇటీవల మహీష్ బాబు కరోనాతో బాధపుడుతున్న విషయం తెలిసిందే. అతడు హోం క్వారంటైన్ లో ఉంటూ.. చికిత్స పొందుతున్నాడు. ఇటీవల అతడు దుబాయ్ కు వెళ్లి వచ్చిన విషయం తెలిసిందే. దీంతో అతడు కోవిడ్ టెస్టు చేయించుకోగా కరోనా పాజిటివ్ గా నిర్ధారణ అయింది.
చివరి చూపుకు అవకాశం కల్పిస్తారా..?
అవసరమైన జాగ్రత్తలు తీసుకున్నప్పటికీ.. తేలికపాటి లక్షణాలతో COVID-19 తో బాధపడుతున్నట్లు మహేష్ ట్వీట్ చేశాడు. తాను ఇంట్లోనే ఉంటూ.. అవరమైన చికిత్స తీసుకుంటున్నాని పేర్కొన్న విషయం తెలిసిందే. తన ఫ్యామిలీ అంతా హోం క్వారంటైన్ లో ఉన్నట్లు పేర్కొన్నారు. ఈ పరిస్థితుల్లో రమేష్ బాబు మరణం తీవ్రంగా కలచివేస్తోంది. అతడి భౌతిక ఖాయాన్ని చూడలేని పరిస్థితిలో ఉన్నాడు మహేష్ బాబు. కోవిడ్ నిబంధనల నేపథ్యంలో ఆ చుట్టు పక్కల పరిసరాల్లో కూడా రాలేని పరిస్థితి. ఈ విషయంలో మహేష్ బాబు అభిమానులు చాలా చింతిస్తున్నారు. ఇటువంటి పరిస్థితి ఎవరికీ రాకూడదు అంటూ.. కామెంట్లు చేస్తున్నారు. ఇక అతడి అన్న భౌలికఖాయాన్ని చూసేందుకు మహేష్ బాబుకు అనుమతి ఇస్తారా..? లేదా అనేది వైద్య అధికారులు నిర్ణయం తీసుకోనున్నారు.