రాజమౌళి దర్శకత్వంలో ఎన్టీఆర్, రామ్ చరణ్ ప్రధాన పాత్రలలో ఎంతో ప్రతిష్టాత్మకంగా తెరకెక్కుతున్న ఈ సినిమా ఇప్పటికే ప్రేక్షకుల ముందుకు రావాల్సి ఉండగా ఎన్నో కారణాల వల్ల ఈ సినిమా వాయిదా పడుతూ వచ్చింది. ఈ క్రమంలోనే ఈ సినిమా విడుదల పై సోషల్ మీడియా వేదికగా చిత్ర బృందానికి కామెంట్ చేశారు. ఈ సందర్భంగా స్పందిస్తూ నేను డిప్లమో చదివేటప్పుడు ఈ సినిమా షూటింగ్ ప్రారంభమైంది. నేను బీటెక్ పూర్తి చేసిన సినిమా విడుదల కాలేదు అంటూ కామెంట్ చేశారు.
ఇలా నెటిజన్ చేసిన కామెంట్ కు చిత్రబృందం స్పందిస్తూ అదిరిపోయే సమాధానం చెప్పారు.ఈ సందర్భంగా చిత్ర బృందం స్పందిస్తూ నువ్వు కాలేజీకి వెళ్లినన్ని రోజులు కూడా మేము షూటింగ్ చేయలేదు ఏం చేస్తాం మరి అంటూ అదిరిపోయే కామెంట్ చేశారు. ప్రస్తుతం వీరి మధ్య జరిగిన ఈ సంభాషణ సోషల్ మీడియాలో వైరల్ గా మారింది.
ఏడాది అక్టోబర్ లో ఈ సినిమా విడుదల కావాల్సి ఉండగా షూటింగ్ పూర్తి కాని నేపథ్యంలో ఈ చిత్రాన్ని వచ్చే ఏడాది వాయిదా వేశారు. ప్రస్తుతం షూటింగ్ పూర్తి చేసుకున్న ఈ చిత్రం జనవరి 7వ తేదీ సంక్రాంతి కానుకగా ప్రేక్షకుల ముందుకు రానుంది. ఈ క్రమంలోనే ఈ సినిమా ప్రమోషన్ కార్యక్రమాలను వేగవంతం చేశారు.
తాజాగా ఈ సినిమా నుంచి విడుదలైన నాటు నాటు అనే పాట సోషల్ మీడియాలో ట్రెండ్ అవుతుంది.ఈ పాటలు ఎన్టీఆర్ రామ్ చరణ్ ఒకరిని మించి ఒకరు పోటీ పడుతూ చేసిన డాన్స్ కి ఎంతో మంది అభిమానులు ఫిదా అయ్యారు.. ప్రస్తుతం ఈ పాట సోషల్ మీడియాలో ట్రెండ్ గా మారి సినిమాపై అంచనాలను పెంచుతుంది.
