Chamanti Movie: టాలీవుడ్ ఇండస్ట్రీలో దర్శకుడిగా ఎంతో మంచి పేరు సంపాదించుకున్న సుకుమార్ శిష్యుడిగా బుచ్చిబాబు ఉప్పెన సినిమా ద్వారా దర్శకుడుగా తెలుగు చిత్ర పరిశ్రమకు పరిచయమయ్యారు. ఇలా దర్శకుడిగా మొదటి సినిమాతోనే బుచ్చిబాబు ఎంతో మంచి పేరు సంపాదించుకున్నారు.ఇక ఈయన దర్శకత్వంలో వచ్చిన ఉప్పెన సినిమా గత 20 సంవత్సరాల క్రితం వచ్చిన చామంతి సినిమాకు దగ్గర పోలికలు ఉన్నాయి.

అసలు ఈ రెండు సినిమాలకు మధ్య ఉన్న ఆ పోలికలు ఏంటో ఇక్కడ తెలుసుకుందాం.. 1992 వ సంవత్సరంలో ఆర్కే సెల్వమణి దర్శకత్వంలో రోజా హీరోయిన్ గా, ప్రశాంత్ హీరోగా తమిళంలో చెంబురుతి అనే సినిమా ప్రేక్షకుల ముందుకు వచ్చింది ఈ సినిమాని తెలుగులో చామంతి పేరుతో డబ్ చేసి విడుదల చేశారు.

ఈ సినిమాలో చామంతి (రోజా) అన్నయ్య పాండి (రాధా రవి) భానుమతి రామకృష్ణ పనికి చేర్పిస్తారు. అయితే ఈయన వృత్తి చేపలు పట్టడం. భానుమతి మనవడు రాజా (ప్రశాంత్) తన చెల్లెల్ని ప్రేమిస్తున్నాడని తెలిసి. రాజా ఇంటికి వెళ్లి తనకు వార్నింగ్ ఇస్తాడు. రాజా మామ (నాజర్ క్యారెక్టర్) తన కూతురు మాలతి (వాసవి) ని రాజాకిచ్చి చేయాలనుకుని.. రాజా, చామంతిల ప్రేమకు అడ్డుగా ఉంటారు.మరి వీరిద్దరి ప్రేమకు అడ్డుపడినప్పటికీ రాజా చామంతి ఎలా కలిశారో వారి ప్రేమ ఎలా ఫలించింది అనేదే కథాంశం.

Chamanti Movie: ఉప్పెన… చామంతి మధ్య పోలికలు ఇవే..

ఇక ఉప్పెన సినిమాలో కూడా హీరో చేపలు పడుతూ జాలరిగానే కనిపిస్తారు. ఈ సినిమాలో కూడా హీరో ఫ్యామిలీ చాలా పేదరికంలో ఉన్నట్టు చూపించారు.హీరో హీరోయిన్ ఇద్దరు ప్రేమించుకున్నప్పటికీ వీరి ప్రేమకు హీరోయిన్ తండ్రి అడ్డుపడగా చివరికి వీరిద్దరు ఎలా తమ ప్రేమను గెలిపించుకున్నారనేది ఉప్పెన సినిమా స్టోరీ ఇలా ఈ రెండు సినిమాల మధ్య కొన్ని పోలికలు ఉన్నాయని చెప్పాలి.