Amithab Bachchan: హిందువుల ఆధ్యాత్మిక ప్రదేశం అయినటువంటి అయోధ్య ప్రస్తుతం పెద్ద ఎత్తున వార్తలలో నిలిచిన సంగతి తెలిసిందే. హిందువుల కొన్ని దశాబ్దాల కల అయినటువంటి రాములవారి విగ్రహ ప్రాణ ప్రతిష్ట జరగబోతున్న సంగతి తెలిసిందే.. ఈనెల 22వ తేదీ ఈ వేడుక జరగబోతోంది.

ఈ విధంగా శ్రీరాముల వారి ప్రాణ ప్రతిష్ట కార్యక్రమం జరగబోతున్నటువంటి తరుణంలో ఎంతోమంది సినీ సెలబ్రిటీలకు రాజకీయ నాయకులకు పారిశ్రామికవేత్తలకు ఆహ్వానం అందుతుంది. ఇలా ఈ ప్రాణ ప్రతిష్ట కార్యక్రమం రోజు సెలబ్రిటీలందరూ కూడా ఈ వేడుకలో సందడి చేయబోతున్నారు.

ఇదిలా ఉండగా ప్రముఖ బాలీవుడ్ నటుడు అమితాబ్ బచ్చన్ అయోధ్యలో ఖరీదైన ఫ్లాట్ కొనుగోలు చేశారంటూ తాజాగా ఒక వార్త వైరల్ గా మారింది. ముంబయికి చెందిన ఓ రియల్‌ ఎస్టేట్‌ సంస్థ అయోధ్యలో అభివృద్ధి చేసిన వెంచర్‌లో బిగ్ బీ స్థలాన్ని కొనుగోలు చేశారట. 10,000 చదరపు అడుగుల విస్తీర్ణంలో ఇంటిని నిర్మించాలని భావిస్తున్నట్లు సమాచారం. దీని విలువ సుమారు రూ.14.5కోట్లు ఉంటుందని సమాచారం

కోట్లు విలువ…

ఈ స్థలం భవ్య రామమందిరానికి దగ్గర్లోనే అని తెలుస్తోంది. జనవరి 22న అయోధ్యలో రామ మందిర ప్రారంభోత్సవం రోజే 51 ఎకరాల్లో సరయూ నది వద్ద ఆ రియల్‌ ఎస్టేట్‌ సంస్థ ఓ ప్రాజెక్ట్‌ను లాంఛనంగా ప్రారంభించబోతున్నారు. ఇక అయోధ్య రామ మందిర ప్రారంభోత్సవ కార్యక్రమానికి అమితాబ్ బచ్చన్ కి కూడా ఆహ్వానం అందిన సంగతి తెలిసిందే. అయోధ్యకు నా హృదయంలో ప్రత్యేక స్థానం ఉంది. ప్రపంచ ఆధ్యాత్మిక రాజధానిలో నేను ఇల్లు నిర్మించుకోవడం కోసం ఎదురుచూస్తున్నా అంటూ గతంలో అమితాబ్ వెల్లడించిన సంగతి తెలిసిందే.