తనను కొంతమంది మోసం చేశారంటూ టాలీవుడ్ సీనియర్ హీరోయిన్ స్నేహ పోలీసులకు ఆశ్రయించారు. ఈ మేరకు వాళ్లపై ఫిర్యాదు చేశారు. టాలీవుడ్ లో ఎంతో మంది అగ్రహీరోలతో నటించిన స్నేహ.. కోలీవుడ్ నటుడు ప్రసన్నను వివాహం చేసుకున్న విషయం తెలిసిందే.
వివాహం తర్వాత ఆమె ఫుల్ హీరోయిన్ గా కాకుండా.. క్యారెక్టర్ ఆర్టిస్టుగా నటిస్తూ వస్తున్నారు. దాదాపు సినిమాలకు దూరంగా ఉంటున్నారనే చెప్పాలి. ఈ నేపథ్యంలో ఆమె ఇటీవల చెన్నైలోని ఓ ఎక్స్‌పోర్ట్‌ కంపెనీకి చెందిన ఇద్దరు వ్యాపారవేత్తలకు రూ. 26 లక్షలు అప్పుగా ఇచ్చింది.
అప్పు తీసుకునే సమయంలో వాళ్లు వెంటనే ఇస్తామని చెప్పారని.. కానీ ఇప్పటి వరకు తిరిగి ఇవ్వలేదని.. ఈ విషయంలో వాళ్లు తనను మోసం చేశారంటూ ఆమె ఫిర్యాదు చేశారు. డబ్బులు ఇవ్వమని అడిగినందుకు వాళ్లు తనపైనే దాడికి దిగారని.. బెదిరింపులకు పాల్పడతున్నారని ఆమె తెలిపింది. అలాగే తాను ఇచ్చిన రూ. 26 లక్షలు తిరిగి ఇచ్చేందుకు వారు నిరాకరిస్తున్నారని స్నేహా తన ఫిర్యాదులో పేర్కొన్నట్లు సినీ వర్గాల నుంచి సమాచారం.
వాళ్లపై చర్యలు తీసుకోవడంతో పాటు.. ఎలాగైనా వారివద్ద నుంచి డబ్బులు వసూలు చేయించాలని పోలీసులను కోరినట్లు తెలుస్తోంది. సీనియర్ నటి స్నేహ ఫిర్యాదు మేరకు పోలీసులు కేసు నమోదు చేసుకొని.. విచారణ చేపడుతున్నట్లు సమాచారం. అయితే ఇప్పుడు ఈ న్యూస్ సోషల్ మీడియాలో వైరల్ గా మారింది.
ఈ మధ్య కాలంలో పిల్లల నుంచి పెద్దల వరకు ప్రతి ఒక్కరూ సోషల్ మీడియాను విసృతంగా వినియోగిస్తున్నారు. స్మార్ట్ ఫోన్ల వాడకం పెరగడంతో తమ ఫోటోలను సోషల్ మీడియాలో అప్ లోడ్ చేస్తూ ఆ ఫోటోలపై స్నేహితుల, బంధువుల అభిప్రాయాలను తెలుసుకుంటున్నారు. అయితే సరదాగా సోషల్ మీడియాలో పోస్ట్ చేసిన ఆ ఫోటోలను కొందరు పెయిడ్ సెక్స్ సర్వీస్ సైట్లలో ఉపయోగిస్తూ సదరు యువతులు, మహిళలకు కొత్త సమస్యలు సృష్టిస్తున్నారు.
ఉత్తరప్రదేశ్ రాష్ట్రంలోని నోయిడాలో ఒక మహిళ సాఫ్ట్ వేర్ ఉద్యోగినిగా పని చేసేది. 40 సంవత్సరాల వయస్సు ఉన్న ఆ మహిళకు ఇద్దరు పిల్లలు. సాఫ్ట్ వేర్ ఉద్యోగిని కావడంతో తన స్నేహితులలా ఆమె కూడా సోషల్ మీడియాలో తరచూ ఫోటోలను అప్ లోడ్ చేస్తూ ఉండేది. అయితే ఒకరోజు ఆమె కొన్ని పోర్న్, డేటింగ్ సైట్లలో తన ఫోటోలు ఉన్నట్టు గుర్తించింది. కొందరు తన ఫోటోలతో అసాంఘిక కార్యకలాపాలకు పాల్పడుతున్నారని ఆమెకు అర్థమైంది.
ఆ మహిళ వెంటనే తన స్నేహితుడికి ఈ విషయం గురించి చెప్పి సహాయం చేయమని కోరింది. ఆమె స్నేహితుడు ఆ సైట్లలో ఉన్న నంబర్ కు కాల్ చేయగా అవతలి వ్యక్తి ఫోటోలో ఉన్న మహిళతో లైంగిక సేవలు పొందాలంటే డబ్బు జమ చేయాలని సూచించాడు. మహిళ అతని స్నేహితుని సహాయంతో నోయిడాలోని పోలీస్ స్టేషన్ లో తన ఫోటోలను వైరల్ చేస్తున్న సైట్లపై, ఫోటోలను దుర్వినియోగం చేస్తున్న వ్యక్తులపై ఫిర్యాదు చేసింది.
కేసు నమోదు చేసుకున్న పోలీసులు దర్యాప్తు చేపట్టారు. త్వరలోనే నిందితులను పట్టుకుంటామని.. ఫోటోలను పోర్న్, డేటింగ్ సైట్ల నుంచి తొలగించేలా చర్యలు చేపడతామని చెప్పారు. సోషల్ మీడియాలో యువతులు, మహిళలు ఫోటోలను పోస్ట్ చేసే సమయంలో తగిన జాగ్రత్తలు తీసుకోవాలని ఫ్రెండ్ లిస్ట్ లో ఉన్నవాళ్లు మినహా ఇతరులు ఫోటోలను చూడకుండా, ఆ ఫోటోలను డౌన్ లోడ్ చేసుకోకుండా మార్పులు చేసుకోవాలని చెబుతున్నారు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
