Neelima Guna: టాలీవుడ్ ఇండస్ట్రీలో దర్శకుడిగా ఎంతో మంచి పేరు ప్రఖ్యాతలు సంపాదించుకున్నారు గుణశేఖర్. పౌరాణిక చిత్రాలను తెరకెక్కించడంలో గుణశేఖర్ దిట్ట. ఇలా గుణశేఖర్ దర్శకత్వంలో ఎన్నో అద్భుతమైన సినిమాలు ప్రేక్షకుల ముందుకు వచ్చాయి. ఇకపోతే ఈయన దర్శకత్వం వహించే సినిమాలకు ఈయన పెద్ద కుమార్తె నీలిమ గుణ నిర్మాతగా వ్యవహరించారు.

నీలిమ గుణ ఇదివరకే రుద్రమదేవి సినిమాకు నిర్మాతగా వ్యవహరించారు. ఇక తాజాగా సమంత నటించిన శాకుంతలం సినిమాకి కూడా నిర్మాతగా వ్యవహరిస్తున్నారు.ఇలా ఇండస్ట్రీలో నిర్మాతగా ఎంతో పేరు ప్రఖ్యాతలు సంపాదించుకున్న నీలిమ గుణ సరికొత్త బంధంలోకి అడుగుపెట్టబోతుందని తెలుస్తోంది.

ఈ క్రమంలోనే ఈమె నిశ్చితార్థం ఎంతో ఘనంగా జరిగినట్లు తెలుస్తోంది.తన నిశ్చితార్థ ఫోటోలను నీలిమ గుణ సోషల్ మీడియా వేదికగా అభిమానులతో పంచుకొని జీవితాంతం సాగే కొత్త ప్రయాణం మొదలైంది అంటూ క్యాప్షన్ జోడించారు.ప్రస్తుతం ఈ ఫోటోలు సోషల్ మీడియాలో వైరల్ గా మారడంతో నీలిమ గుణ పెళ్లి చేసుకోబోయే వ్యక్తి ఎవరు అనే విషయంపై అభిమానులు పెద్ద ఎత్తున చర్చలు జరుపుతున్నారు.

Neelima Guna:  త్వరలోనే పెళ్లి తేదీ ప్రకటన..

ఇక నీలిమ గుణ పెళ్లి చేసుకోబోయే వ్యక్తి పేరు రవి ప్రఖ్యా అని మాత్రమే తెలుస్తుంది. ఆయన ఏం చేస్తారు తన ఫ్యామిలీ బ్యాగ్రౌండ్ ఏంటి అనే విషయాలు మాత్రం తెలియడం లేదు. ప్రస్తుతం ఈ ఫోటోలు సోషల్ మీడియాలో వైరల్ గా మారడంతో ఎంతోమంది నెటిజన్లు కాబోయే దంపతులకు శుభాకాంక్షలు తెలుపుతున్నారు. ఇక త్వరలోనే వీరి పెళ్లి తేదీని కూడా ప్రకటించబోతున్నట్లు తెలుస్తోంది.నీలిమ గుణ నిర్మాతగా వ్యవహరించిన శాకుంతలం సినిమా నవంబర్ 4వ తేదీ విడుదల కానున్నట్లు ప్రకటించారు.