Allari Naresh: నాంది సినిమా తర్వాత అల్లరి నరేష్ డైరెక్టర్ విజయ్ కనకమెడల దర్శకత్వంలో నటించిన చిత్రం ఉగ్రం. ఈ సినిమా మే 5 వ తేదీ ప్రేక్షకుల ముందుకు రావడానికి సిద్ధమవుతోంది. ఈ క్రమంలోనే పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్లలో భాగంగా నరేష్ ఒక ఇంటర్వ్యూలో పాల్గొన్నారు.
ఇంటర్వ్యూలో భాగంగా ఈయన ఈ సినిమాలో అడవిలో జరిగే ఒక సన్నివేశం గురించి చెబుతూ షాకింగ్ కామెంట్స్ చేశారు. ఈ సన్నివేశం తీసే సమయంలో అడవిలో స్మోక్ మిషన్లు పెట్టారు. చాలా దట్టంగా పొగ వచ్చేలా ఈ సన్నివేశం ఉంటుంది మరోవైపు నన్ను సిగరెట్ కాలుస్తూ రమ్మని చెప్పారు. ఇలా ఈ అడవి సన్నివేశాలను దాదాపు నాలుగు రోజులపాటు షూటింగ్ చేశారని తెలిపారు.
ఈ నాలుగు రోజులలో తాను దాదాపు 500 సిగరెట్లు కాల్చానని నరేష్ చేసినటువంటి ఈ కామెంట్స్ ప్రస్తుతం వైరల్ అవుతున్నాయి. ఇలా రోజుకు 100కు పైగా సిగరెట్లు కాల్చేసరికి నా ఆరోగ్యం పూర్తిగా దెబ్బతినిందని నరేష్ తెలిపారు.జ్వరం దగ్గుతో పాటు పూర్తి అనారోగ్యం చేసిందని ఈయన ఈ సీన్ గురించి చేసినటువంటి కామెంట్స్ వైరల్ అవుతున్నాయి. ఇక సినిమాపై ఫ్యాషన్ తో ఆరోగ్యాన్ని కూడా లెక్కచేయకుండా ఈయన ఈ సన్నివేశాలలో నటించారని తెలుస్తోంది.
Allari Naresh: ఉగ్రరూపం చూపించబోతున్న నరేష్…
ఇక కెరియర్ మొదటి నుంచి కామెడీ సినిమాల ద్వారా ప్రేక్షకులను పెద్ద ఎత్తున నవ్వించిన నరేష్ ప్రస్తుతం మాత్రం తనలో కామెడీ మాత్రమే కాదు మరో యాంగిల్ కూడా ఉంది అంటూ అందరిని భయపెట్టే సినిమాలలో నటిస్తూ ప్రేక్షకుల ముందుకు వస్తున్నారు.చాలాకాలం తర్వాత నాంది సినిమా ద్వారా మంచి సక్సెస్ అందుకున్న నరేష్ అనంతరం ఇట్లు మారేడుమిల్లి ప్రజానీకం అనే సినిమాలో కూడా నటించారు.తాజాగా ఉగ్రం సినిమా ద్వారా మరోసారి తన ఉగ్రరూపం చూపించడానికి సిద్ధమయ్యారని తెలుస్తుంది.
