బుల్లితెరపై ప్రసారం అవుతున్న బిగ్ బాస్ కార్యక్రమం సండే ఎంతో ఫన్ డే గా జరుగుతుంది. ఈ క్రమంలోని నాగార్జున బిగ్ బాస్ వేదిక పైకి వచ్చి హౌస్ సభ్యులతో ముచ్చటిస్తారు. ఈ ఆదివారం బిగ్ బాస్ వేదికపైకి అనుభవించు రాజా టీమ్ వచ్చి సందడి చేశారు. రాజ్ తరుణ్, కౌశిక్, నెల్లూరు సుదర్శన్ కాసేపు బిగ్ బాస్ వేదికపై హౌ సభ్యులతో మాట్లాడుతూ సరదాగా కొన్ని ప్రశ్నలు అడిగారు.
ఈ సందర్భంగా కమెడియన్ సుదర్శన్ మాట్లాడుతూ సన్నీ కాజల్ రిలేషన్ గురించి షాకింగ్ కామెంట్ చేశారు. కాజల్ అలిగినప్పుడు సన్నీ వచ్చి ఓదార్చడం ఎంతో రొమాంటిక్ గా ఉంటుందని అన్నారు. అయితే ఈ విషయం విన్న సన్నీ వారి మధ్య బ్రదర్ అండ్ సిస్టర్ రిలేషన్ ఉందని చెప్పే ప్రయత్నం చేశారు.
ఈ విధంగా నెల్లూరు సుదర్శన్ సన్నీ, కాజల్ రిలేషన్ గురించి ఇలా మాట్లాడటంతో సోషల్ మీడియా వేదికగా అభిమానులు పెద్ద ఎత్తున సుదర్శన్ ను దారుణంగా ట్రోల్ చేస్తున్నారు. సినిమా ప్రమోషన్ కోసం వచ్చి ఇలా తప్పుడు మాటలు మాట్లాడతారా అంటూ కామెంట్లు పెడుతున్నారు. ఈ క్రమంలోనే ఈ విషయంపై సుదర్శన్ స్పందించారు.
నేను కావాలని అలా అనలేదని పొరపాటు జరిగిందని ఈ క్రమంలోనే సోషల్ మీడియా వేదికగా సన్నీ, కాజల్ ఆమె కుటుంబాన్ని క్షమాపణ కోరుతున్నానని ఒక వీడియోను సోషల్ మీడియాలో పోస్ట్ చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది.