Bigg Boss6: బిగ్ బాస్ కార్యక్రమం రెండు వారాలను పూర్తిచేసుకుని మూడవ వారంలోకి అడుగు పెట్టింది.ఇక మొదటి వారం ఎలిమినేషన్ లేకపోయినప్పటికీ రెండవ వారం డబుల్ ఎలిమినేషన్ తో శనివారం హౌస్ నుంచి శానీ బయటకు రాగ ఆదివారం అభినయశ్రీ బిగ్ బాస్ హౌస్ నుంచి బయటకు వచ్చారు.ఇక శనివారం కంటెస్టెంట్లకు బాగా క్లాస్ పీకిన నాగార్జున ఆదివారం మాత్రం అందరితోనూ బాగా ఎంటర్టైన్ చేయించారు.
ఇక ఆదివారం ఎపిసోడ్లో భాగంగా తమన్న ముఖ్యఅతిథిగా హాజరయ్యారు.ఈమె నటించిన బబ్లీ బౌన్సర్ సినిమా విడుదలవుతున్న నేపథ్యంలో ప్రమోషన్ కోసం తమన్న ఈ వేదికపై సందడి చేశారు. ఇక హౌస్ లోకి తమన్నాను పంపించిన నాగార్జున ఎలిమినేట్ అయిన కంటెస్టెంట్ ను బయటకు తీసుకు రమ్మని చెప్పారు. ఈ క్రమంలోనే తమన్నా నామినేషన్ లో లీస్ట్ పొజిషన్లో ఉన్నటువంటి అభినయ శ్రీ ని బయటకు తీసుకువచ్చారు.
ఇలా అభినయ ఎలిమినేట్ అయ్యారని తెలియగానే కంటెస్టెంట్లు ఎంతో ఎమోషనల్ అవుతూ తనను బయటకు పంపించారు.ఇక వేదిక పైకి వచ్చినటువంటి ఈమె నాగార్జునతో మాట్లాడుతూ ఇంత తొందరగా అభిమానులు తనని బిగ్ బాస్ హౌస్ నుంచి బయటకు పంపిస్తారని ఊహించలేదు అంటూ ఎమోషనల్ అయ్యారు. ఇక వేదికపై నాగార్జున అభినయను ప్రశ్నిస్తూ హౌస్ లో ఉన్న కంటెస్టెంట్లలో ఐదుగురు హానెస్ట్, ఐదుగురు హానెస్ట్ గా లేని వారి పేర్లను చెప్పమని సూచించారు.
Bigg Boss6: అతను చాలా కన్నింగ్…
హానెస్ట్ గా ఉన్న వారిలో చంటి, సూర్య, బాలాదిత్య, శ్రీ సత్య, ఫైమా పేర్లను సూచించగా హానెస్ట్ గా లేనటువంటి వారిలో కేవలం రేవంత్ పేరు మాత్రమే సూచించారు.
రేవంత్ ఆట మధ్యలో తన పర్సనల్ విషయాలన్నింటిని చెబుతారు ఆ విషయం నాకు నచ్చలేదు ఇలా అతను తన పర్సనల్ విషయాలు చెప్పడం చూస్తుంటే నాకు చాలా కన్నింగ్ అనిపించారు అంటూ అభినయ రేవంత్ పై తన అభిప్రాయాన్ని చెప్పింది. ఇలా రేవంత్ గురించి ఈమె చేసిన కామెంట్స్ వైరల్ అవుతున్నాయి.