ఇటీవల విడుదలైన శ్రీదేవీ డ్రామాకంపెనీ ప్రోమో అందరినీ ఆలోచింపచేసే విధంగా ఉంది. కడుపున పుట్టిన వారే కాదన్నారనే బాధలో ఉండే వారి మోముల్లో చిరు నవ్వులు విరబూయించే ప్రయత్నంలో భాగంగా వృద్ధాశ్రమంలో ఉంటున్న వారిని ఈ షోకు తీసుకొచ్చారు. అందులో వాళ్లల్లో కాస్త నవ్వులు పూయించేందుకు ప్రయత్నం చేశారు.
అందులో భాగంగానే ఆది ఓ బామ్మతో వేసిన డ్యాన్స్.. వాళ్లతో లవ్ చేస్తున్నా అంటూ చెప్పిన కామెడీ.. అందరిలోనూ ఆనందం నింపాయి. ఇక ఆదికి పెయిర్ దొరికినట్లే అని కామెడీ చేస్తే అలరించారు. అందులో ఓ పెద్దావిడ పాడిన పాటకు.. సుధీర్ భావోద్వేగానికి గురయ్యాడు.
‘అమ్మా చూడాలి.. నిన్నూ నాన్నని చూడాలి’ అంటూ ఆలపించి, హృదయాన్ని హత్తుకుంది. తన బిడ్డల్ని తలచుకుని కంటతడి పెట్టుకోవడంతో అందరి కళ్లూ చెమ్మగిల్లాయి. ఓ అమ్మ విషయంలో జరిగిన సంఘటనని గుర్తు చేసుకుంటూ కన్నీటి పర్యంతమయ్యాడు సుధీర్. ఇక్కడ ఉన్న తల్లిదండ్రలు ఇంత బాధ అనుభవిస్తుంటే.. మీతో పాటు వాళ్లను కూడా తీసుకెళ్లొచ్చు కదా.. అంటూ వీరిని ఆశ్రమంలో వదిలేసిన వారిని కోరాడు సుధీర్.
ఇక ఇదే వేధికపై వాళ్ల బాధను చూడలేక.. వర్ష, భాను రూ.లక్ష విరాళం అందజేశారు. అంతే కాకుండా ఇంద్రజ కూడా వాళ్ల మెడికల్ కు సంబంధించి ఎంత ఖర్చు అవుతుంతో కనుక్కొని.. ఒక్క వారం కాదు.. ప్రతీ నెలా తానే భరిస్తానని.. ఆ ఖర్చులకు డబ్బులు నేనే ఇస్తానంటూ హామీ ఇచ్చారు. ఈ ప్రోమో ప్రతీ ఒక్కరి హృదయాన్ని బరువెక్కిస్తోంది. ఈ ప్రోగ్రాం పూర్తి ఎపిసోడ్ అక్టోబర్ 3 న విడుదల కానుంది.
ఆదివారం ప్రసారమైన బిగ్ బాస్ కార్యక్రమంలో కంటెస్టెంట్ లు అందరూ హౌస్ లోకి ఎంట్రీ ఇవ్వడంతో బిగ్ బాస్ హౌస్ ఎంతో సందడిగా ఉంది. ఈ క్రమంలోనే సోమవారం నుంచి అసలు ఆట మొదలవడంతో ఈ వారం నామినేషన్ ప్రక్రియ కొనసాగనుంది. ఈ క్రమంలోనే హౌస్ లో ఉన్నటువంటి కంటెస్టెంట్ లకు టాస్క్ ఇచ్చి వారి మధ్య గొడవలను క్రియేట్ చేస్తూ.. కొందరిలో ఉన్న ఎమోషన్స్ ను బయటకి పెడుతూ నామినేషన్ ప్రక్రియను కొనసాగించారు.
ఈ క్రమంలోనే ఈ రోజు ప్రసారం కాబోయే ఎపిసోడ్ కి సంబంధించిన ప్రోమోను స్టార్ మా ఇన్స్టాగ్రామ్ ద్వారా షేర్ చేశారు. ఇందులో భాగంగా హౌస్ సభ్యులందరికీ నామినేషన్ ప్రక్రియనిస్తూ ఒక టాస్క్ నిర్వహించినట్లు తెలుస్తుంది. ఇందులో భాగంగా 19 మంది కంటెస్టెంట్ ల ఫోటోలను ఒక బ్యాగ్ కి కట్టి ఒక చోట పెట్టారు. ఈ క్రమంలోనే కంటెస్టెంట్ లు ఒక్కొక్కరిగా వెళుతూ వారికి నచ్చని కంటెస్టెంట్ ఫోటో ఉన్న బ్యాగులను పక్కనే ఉన్న చెత్త ట్రాలీలో వేయాలనే టాస్క్ ను ఇచ్చినట్టు తెలుస్తోంది.
ఈ క్రమంలోనే ఒక్కొక్కరు కంటెస్టెంట్ లు వెళ్తూ వారికి నచ్చని కంటెస్టెంట్ లో ఫోటో ఉన్న బ్యాగ్ ను తీసుకొని వారు ఎందుకు చెత్త ట్రాలీలో వేస్తున్నారో చెబుతూ ఆ బ్యాగులను పడేస్తున్నారు. ఈ క్రమంలోనే మొదటగా లోబో వెళ్లి ఉమాదేవి, షణ్ముఖ్ ఉన్న బ్యాగ్ ను తీసి అక్కడే పెడతారు. చివరికి యాంకర్ రవి ఫోటో ఉన్న బ్యాగ్ ను తీసుకొని నీ ఆటిట్యూడ్ నీదగ్గర ఉంచుకో అంటూ అతని తీసుకు వెళ్లి పడేస్తాడు.
ఇలా ఒక్కొక్కరుగా వారికి నచ్చని కంటెస్టెంట్ లను తీసుకువెళ్లి అక్కడ వేయడంతో కంటెస్టెంట్ ల మధ్య మాటల యుద్ధం జరుగుతుంది. ఈ క్రమంలోనే కంటెస్టెంట్ విశ్వ మోడల్ జెస్సి ఫోటో ఉన్నటువంటి బ్యాగ్ తీసుకొని పొద్దున ఒక సిచువేషన్ జరిగింది అంటూ వీరిద్దరి మధ్య మాటల యుద్ధం జరుగుతోంది. ఆ తర్వాత రవి మిమ్మల్ని చూస్తుంటే చాలా స్ట్రిక్ట్ గా ఉన్నారంటూ నటరాజ్ మాస్టర్ ని అనగా నాకు నటించడం రాదు అని సమాధానం చెబుతాడు. చివరికి నట రాజ్ మాస్టర్ మోడల్ జెస్సీని ఉద్దేశించి చిన్నోడా ఇక్కడ అమాయకత్వంగా ఉంటే తొక్కేస్తారు అంటూ అనడంతో జెస్సీ ఎమోషనల్ అవుతూ కంటతడి పెట్టారు. ప్రస్తుతం స్టార్ మా విడుదల చేసిన ఈ వీడియో సోషల్ మీడియాలో వైరల్ అవుతూ ఈ రోజు ప్రసారమయ్యే ఎపిసోడ్ పై ఉత్కంఠతను నెలకొల్పుతుంది.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
