తెలుగులో ప్రసారం అవుతున్న అతిపెద్ద రియాల్టీ షో బిగ్ బాస్ సీజన్ 5. బిగ్ బాస్ గ్రాండ్ ఫినాలేకు మరికొన్ని గంటలే సమయం ఉంది. నేటితో బిగ్ బాస్ సీజన్ 5 ముగుస్తోంది. దీంతో ఎవరు విన్నర్ గా నిలుస్తారో అని అభిమానుల్లో టెన్షన్ నెలకొంది. ముఖ్యంగా సన్నీ, షణ్మఖ్ మధ్య ఎక్కువగా పోటీ నెలకొందని.. నెటిజెన్లు అభిప్రాయపడుతున్నారు.

వీరిద్దరిలోనే ఒకరు విన్నర్ అవుతారని నెటిజెన్లు తమకు నచ్చిన విధంగా ప్రిడిక్ట్ చేస్తున్నారు. అయితే ఫైనల్ ముందు కంటెస్టెంట్లతో సరదా ఎపిసోడ్ ప్లాన్ చేశారు. దీనికి గత సీజన్లలోని కంటెస్టెంట్లు అతిధులుగా వచ్చారు. ఈ క్రమంలో రాహుల్‌ సిప్లిగంజ్‌, శివజ్యోతి ఓ ఫన్నీ టాస్క్‌ ఇచ్చారు.

బెలూన్లలోని గాలిని పీల్చుకుని దాన్ని బయటకు వదలకుండా మాట్లాడాలన్నారు. దీంతో కంటెస్టెంట్ల గొంతులు మారడంతో అందరూ నవ్వారు. ఇక అఖిల్ సార్థక్ .. సన్నీని ఓ ఆసక్తికర ప్రశ్న అడిగారు. మరేప్పుడైనా డేటింగ్ యాప్ లో ఎవరినైనా కలిశారా..? అని అడిగాడు. దీనికి సమాధానంగా.. సన్నీ‘నేను ఓ అమ్మాయిని కలిశాను.

అయితే ఆమె నా ముచ్చట వదిలేసి.. ఆమె బాయ్ ఫ్రెండ్ గురించి చెప్పసాగిందని’ అన్నాడు. దీంతో అందరూ ఒక్కసారిగా పొట్ట చెక్కలయ్యేలా నవ్వారు. ఇక బిగ్ బాస్ ముగింపుకు ముందు ఎపిసోడ్లలోనే ఇంత ఆసక్తి నెలకొంటే.. ఇక గ్రాండ్ ఫినాలే ఎలా ఉంటుందో చూడాలి