తెలుగు సినీ పరిశ్రమలో టాప్‌ సీరియల్స్‌లో ఒకటి మొగలిరేకులు. దీనిలో దయా అలియాస్ పవిత్ర నాథ్ నటుడిగా మంచి పేరు తెచ్చుకున్నాడు. అయితే అతడి చీకటి వ్యవహారాన్ని అతడి భార్య శశిరేఖ బయటపెట్టింది. మొగలిరేకులు సీరియల్‌లో దయ పాత్రలో నటించి మంచి గుర్తింపు తెచ్చుకున్న పవిత్ర నాథ్ రియల్‌ లైఫ్‌లో మాత్రం విలన్‌ అని ఆయన భార్య శశిరేఖ పేర్కొంది.
తాజాగా ఓ యూట్యూబ్‌ ఛానల్‌కు ఇచ్చిన ఇంటర్వ్యూలో ఆమె మాట్లాడింది. 2009లో అతడు తనను పెళ్లి చేసుకున్నాడని.. కొన్నాళ్ల వరకు సంసారం బాగానే సాగిందని.. తర్వాత తమకు పాప కూడా జన్మించిందని చెప్పింది. పెళ్లయిన దగ్గర నుంచే అతడికి అమ్మాయిలు అంటే పిచ్చి అని.. జాతకం పేరుతో ఎంతోమంది అమ్మాయిలను నేరుగా ఇంటికే తీసుకొచ్చేవాడని సంచలన నిజాలను బయటపెట్టింది.
ఏంటని ప్రశ్నించిన ప్రతీసారి చేయి చేసుకున్నట్లు తెలిపింది. ఓ అమ్మాయితో దాదాపు 8 ఏళ్లు రిలేషన్ లో ఉన్నాడని.. తాగి వచ్చి ఎంతో టార్చర్ పెట్టేవాడని తెలిపింది. అతడిలో మార్పు తీసుకొద్దామని ఎంత ప్రయత్నం చేసినా రాలేదని.. రాత్రి పగలు తేడా లేకుండా తిరుగుతూ జల్సాలకు అలవాటు పడ్డాడని వాపోయింది.
ఈ విషయంపై తన అత్తమామలకు చెప్పినా పట్టించుకోలేదని.. వాళ్లు కూడా అతడికే సపోర్ట్ పలికారన్నారు. విడాకులు సైతం ఇవ్వకుండా టార్చర్ పెడుతున్నాడంటూ ఆవేదన వ్యక్తం చేసింది. తనకు జరిగిన అన్యాయం మరే ఆడపిల్లకు జరగొద్దని ఆవేదన వ్యక్తం చేసింది. ఇలాంటి దారుణంపై తనకు న్యాయం చేయాలని తాజాగా ఆమె కోర్టు మెట్లెక్కింది.